Trabada, 13 de febreiro de 2020.- O voceiro do PP de Trabada, José María Fernández, destaca o investimento que dirixiu o goberno galego ao municipio durante o 2019 e que ascende a máis de 2,4 millóns de euros e que, polo tanto, “supera amplamente o orzamento municipal”.
O popular, que fixo balance destas achegas nunha reunión co delegado territorial da Xunta en Lugo, José Manuel Balseiro, sinala que “esta cifra increméntase aínda máis se temos en conta o investimento que dirixe a Xunta ao mantemento dos servizos públicos que dependen da administración autonómica como son o colexio e o centro de saúde”.
Fernández fixo fincapé nas achegas en materia de política social coas que Trabada se veu beneficiada de máis de 122.000 euros para sufragar o servizo de axuda no fogar; ademais doutros 8.600 euros para a mellora da escola infantil e 96.000 euros máis que a Xunta dirixe ao servizo de atención temperá que o municipio comparte con outros concellos da zona.
“O Concello de Trabada recibiu máis de 136.000 euros para acometer obras ou prestar aos veciños e veciñas os servizos que consideren axeitados”, sinala o voceiro do Grupo Municipal Popular en relación ás achegas do Fondo de Cooperación Local que a administración autonómica dirixe aos concellos. E, en materia de emerxencias, “Trabada viuse beneficiada dunha achega de preto de 36.000 euros para a adquisición dun vehículo pick-up”.
Da man do Fondo de Compensación Ambiental, a Xunta dirixiu a Trabada en conxunto con Lourenzá 30.000 euros para o mantemento de espazos naturais. E, en concepto de axudas para a conservación, recuperación e rehabilitación en espazos da Rede de Reserva da Biosfera, o goberno galego dirixiu 12.000 euros á área recreativa da Choza e Fraga da Belosiña en Trabada. Para a rehabilitación de vivendas de promoción pública, a Xunta dirixiu 4.000 euros e achegou máis de 16.000 en materia de recollida selectiva de residuos.
O portavoz do PP subliña tamén os máis de 623.000 euros que a Xunta achegou en materia de emprego no ano 2019 ao noso municipio que permitiu ao Concello contratar a un traballador con 13.000 euros do programa Aprol Rural e sufragar a contratación dun AEDL grazas a unha achega de máis de 6.000 euros. Así mesmo, no verán o concello dispuxo de 3 socorristas en conxunto con Lourenzá. E a estas hai que engadir as axudas dirixidas a autónomos e pequenas empresas.
Medio rural
Fernández sinala ao medio rural como “un dos principais motores económicos do noso municipio” e ao que o goberno galego achegou máis de 1,2 millóns de euros. Destes, os agricultores e gandeiros recibiron de forma directa máis de 822.000 euros aos que hai que sumar outras axudas ás novas incorporacións e plans de mellora.
Neste eido, en concepto de axudas do GDR 2019-2020, o Concello de Trabada recibiu máis de 41.500 euros para a construción dun centro de novas tecnoloxías e outras achegas para a mellora das casetas de vixilancia que, no conxunto con outros catro municipios da provincia, suman preto de 205.000 euros.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
