Lugo, 22 de abril de 2020.- Os datos de seguimento da expansión do coronavirus confirman que a día de hoxe non hai ningún usuario afectado polo Covid-19 nas residencias da Xunta de Galicia na provincia de Lugo, segundo se puxo de manifesto na reunión por videoconferencia que mantiveron esta mañá o delegado territorial, José Manuel Balseiro, e os directores destes centros.
Balseiro valorou a situación xunto coas xefas territoriais de Política Social, Cristina Abades, e Sanidade, Begoña Seco, e os directores e directoras das residencias de maiores das Gándaras e A Milagrosa (na capital), Burela e Monforte de Lemos, así como do Centro de Atención a Persoas con Discapacidade (CAPD) de Sarria e o centro de menores Santo Anxo de Rábade.
Entre todos eles suman preto de 500 residentes e neste momento non hai diagnosticado ningún positivo por coronavirus. Balseiro puxo de manifesto que isto é posible “grazas ao gran traballo que están realizando os directores e os traballadores destes centros para protexer, coidar e axudar aos usuarios a superar estas semanas de confinamento”.
O delegado incidiu na necesidade de tomar os datos con cautela porque “sabemos que pode tratarse dunha situación conxuntural”, e confirmou que si hai algúns traballadores afectados. Son en concreto catro do CADP, cinco da residencia da Milagrosa, dous da de Burela e outros tantos na das Gándaras. En todo caso, entende que as cifras empezan a ser “esperanzadoras”.
A Xunta realiza un seguimento continuo e extrema as precaucións nestes centros que atenden a persoas especialmente vulnerables ao coronavirus. Realízanse entregas periódicas de material de protección e programa actuacións de limpeza e desinfección reforzadas, extremando todos os protocolos. Ademais, estende estas medidas ao conxunto de residencias, tanto públicas -doutras administracións- como privadas da provincia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).