Foz, 18 de xuño de 2020. Vintecinco tendas forman parte inicialmente da plataforma web de venta online do CCA de Foz, que foi presentada esta tarde na Casa da Cultura.
As persoas interesadas en facer as súas compras a través deste formato poden visitar este centro comercial virtual en www.compraenfoz.com, onde atoparán os escaparates individuais dos negocios participantes con fotos dos produtos, con textos, etc. As tendas dispoñen de carriño da compra e realización de pedido online, entre outras posibilidades. As condicións de venta serán definidas por cada tenda: os prazos de entrega; os custes de envío; as devolucións; as formas de pago a través de Paypal, tpv virtual, transferencia, contra reembolso…; o seguimento online dos pedidos, etc.
Os negocios adheridos á plataforma web de venta online son: 5 Lobiños, Vagaluz, Sueños, Arrullos, N1, Sensación Surf, Living Sport, Chuvia, Ginzo Mujer, Saint Tropez, Ginzo Hombre, Calzados Pirde, Don Zapato, Zapatería Carmen León, Mapfre, Cenor Belianorte, Amarena, Anduriña, Decoraciones Pura, Kukadas, Ofifoz, Librería Bahía, Buxo Xogos, Iria Rodríguez e Suministros Veipa.
O presidente de Acia/CCA de Foz, José Carlos Paleo dixo que “o que queremos é achegarlle o noso comercio á clientela de Foz para que poida facer as súas compras a golpe de click e sen ter que desprazarse ata as tendas. Os clientes teñen que saber que si queren unha atención mais personalizada e directa o que teñen que facer é achegarse en persoa ata os comercios da nosa vila. Pero si xa ten claro o que precisan, non están en Foz ou aínda estando aquí prefiren consultar nas súas casas os produtos que atoparán nas tendas tranquilamente poden facelo a través de www.compraenfoz.com”.
Paleo engadiu que “o que precisamos con este centro comercial virtual que estamos a presentar é que a xente saiba que pode comprar no comercio de Foz sen moverse da casa. Por suposto que queremos recibir clientes nas nosas tendas, pero si polo motivo que sexa non poden achegarse teñen que saber que comprar en Foz sen saír dos seus domicilios é posible. Agora mesmo xa poden facelo en 25 comercios de diferentes sectores, moda infantil, deportes, moda muller e home, zapaterías, seguros, electrodomésticos, pastelerías e panaderías, fogar, pesca, librerías e xogueterías, xoierías, fontanería e calefacción”.
O presidente do Centro Comercial Aberto de Foz agarda que “sexan máis o que se sumen á venta online. So así poderemos competir coas as grandes plataformas, que xa levan tempo facéndoo. Este centro comercial virtual ten como destinataria á clientela do comercio de Foz, sexa de onde sexa e estea onde estea”.
No acto deste xoves participaron o alcalde, Fran Cajoto, o concelleiro de Comercio, José Mª Linares, o presidente do GDR Terras de Miranda, Vidal Martínez, e o presidente do Centro Comercial Aberto, José Carlos Paleo. Tamén asistiron os portavoces municipais no Concello focense así como membros da directiva do CCA e representantes dos comercios que se adheriron a este proxecto.
Na posta en marcha desta iniciativa do CCA colaboran o Concello de Foz e a Xunta de Galicia.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
