Lugo, 6 de agosto de 2020. O equipo técnico do proxecto LifeInCommonLand instalou na Serra do Xistral once paneis explicativos sobre a importancia destes hábitats naturais protexidos da Rede Natura e deste proxecto europeo de conservación da natureza e desenvolvemento rural que impulsa a Deputación de Lugo xunto coas universidades de Santiago e A Coruña.
Os carteis amosan aos visitantes deste espazo natural as singularidades de cada un destes montes comunais, ademais de explicar a fauna e flora protexida e os tres eixes nos que se basea o proxecto LifeInCommonLand. En concreto, pretenden sensibilizar sobre a importancia de preservar as grandes masas do Xistral de turbeiras altas activas, turbeiras de cobertor e queirogais húmidos atlánticos, en risco de desaparición en Europa e de gran valor ecolóxico para a biodiversidade do Noroeste peninsular. Os paneis explican como a conservación das turbeiras reporta enormes beneficios á sociedade pola súa gran capacidade de almacenamento de CO2 para a loita contra o cambio climático.
Cada cartel inclúe un mapa de situación no monte veciñal dentro da ZEC Serra do Xistral e indican puntos de interese paisaxístico e o patrimonio natural e cultural da zona. Tamén explican o papel fundamental que xogan as comunidades de montes no mantemento do bo estado de conservación destes hábitats e a importancia do mantemento das actividades agrogandeiras tradicionais, como a gandería extensiva de gando vacún e o manexo e coidado dos cabalos salvaxes nos montes, fundamentais para a preservación destes ecosistemas.
Os paneis colocáronse en zonas de paso transitadas e cruces de camiños con vistas panorámicas da Serra do Xistral. En concreto, situáronse nos montes que xestionan en man común as asociacións veciñais e comuneiros que participan activamente neste proxecto e que son: A Balsa, Silán e Tenente e Xistral, no concello de Muras; Boimente, en Viveiro; Laxa Moura, en Xove; Miñotos, en Ourol; Montouto, de Abadín; e Santo Tomé de Recaré, Vilacampa, Cadramón e Frexulfe, no Valadouro.
A Deputación de Lugo lidera este pioneiro proxecto europeo no Xistral co obxectivo de demostrar que é compatible a conservación dos hábitats naturais das zonas de especial protección ambiental co aproveitamento do medio rural e o desenvolvemento económico sostible. As comunidades veciñais están a redactar proxectos de ordenación forestal co asesoramento técnico do equipo técnico do proxecto e recibirán pagos económicos dacordo aos niveis acadados de preservación destes hábitats. A institución provincial impulsa esta iniciativa para ofrecer solucións ás limitacións da Rede Natura 2000 no aproveitamento do territorio e contribuír a fixar poboación no rural.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
