Lugo, 6 de novembro de 2020. A Xunta de Galicia financiará tres obradoiros duais de emprego que se desenvolverán en seis municipios da Mariña e no de Muras, que concorre en agrupación con dous concellos mariñáns. A súa posta en marcha suporá a contratación de 60 alumnos-traballadores, ademais do persoal de dirección, administración e monitores (ao redor de cinco en cada taller).
O delegado territorial da Administración autonómica, Javier Arias, explicou que a Consellería de Emprego e Igualdade destina un millón de euros a colaborar cos concellos promotores destas iniciativas a través da convocatoria de axudas deste ano, que vén de resolverse.
Cada taller ofrece formación e emprego a 20 persoas, que contarán cun contrato de traballo durante a súa participación na actividade e ao finalizar poderán acreditar as ensinanzas recibidas cun certificado de profesionalidade. Está previsto que comecen antes de finais de ano.
Os obradoiros terán unha duración de nove meses. Na área da Mariña funcionarán os seguintes: Sendas de Burela, Cervo e Xove VII -coa participación deses tres municipios-; Ribadeo X Camiño, que impulsa individualmente o Concello de Ribadeo; e Terras do Sor IV, que impulsa O Vicedo xunto con Ourol e Muras.
Entre os criterios para conceder as achegas, valoráronse as propostas presentadas por concellos agrupados ou resultantes dunha fusión, as de concellos emprendedores ou as que presentan contidos relacionados co fomento das TIC e da economía dixital.
Tamén se valorou o desenvolvemento dun programa de inserción laboral mediante incentivos á contratación laboral do alumnado durante un mínimo de tres meses, con contratos a xornada completa en empresas do mesmo ámbito territorial que o obradoiro. Na Mariña, ofrece esta alternativa o taller do Vicedo, Ourol e Muras, o que axudará a que seis participantes poidan acceder ao mercado laboral despois de finalizar a súa etapa formativa no obradoiro.
Os obradoiros concedidos na área da Mariña son os que figuran no seguinte cadro:
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
