A Mariña, 28 de novembro de 2020. En decembro rematan os roteiros de A Mariña en Ruta programadas para este outono, unha iniciativa que a Mancomunidade de Concellos da Mariña Lucense puxo en marcha co apoio da Axencia de Turismo de Galicia e da Deputación de Lugo e que coordina a empresa de ecoturismo Maremasma. O ente propón descubrir a arqueoloxía e a xeoloxía mais descoñecida da comarca a través de dúas propostas, coma sempre, da man de guías e axentes locais. Unha discorrerá por Xove e a outra por Ourol.
Desde a Mancomunidade explican que “debido ao Covid19 e ás restricións existentes para a organización deste tipo de actividades as prazas dispoñibles tiveron que verse reducidas a 5 persoas mais o guía. Ademais do uso obrigatorio de máscara e da pertinente distancia de seguridade”.
O vindeiro sábado, 5 de decembro, terá lugar unha andaina pola paisaxe cultural de Portocelo, en Xove, que será guiada por David Fernández. Os asistentes percorrerán a través dunha ruta circular o contorno costeiro de Portocelo. Nesta zona de alto valor paisaxístico, poñerase atención ao patrimonio cultural da contorna, falando de lendas, historia e arqueoloxía. Durante o roteiro interpretativo visitarán os xacementos de Monte Castelo e San Tirso de Portocelo, este último recentemente escavado e do que lles falarán máis de vagar da súa historia. A ruta dará comezo ás 10 da mañá con saída da praia de Portocelo. Recoméndase levar roupa axeitada á meteoroloxía e calzado cómodo e auga. E pódense levar prismáticos e bastóns de monte.
Por Ourol discorrerá o 13 de decembro a ollada ás rochas que viron nacer Galicia e que guiará Francisco Canosa. Na zona de Ourol atópanse varios lugares cun salientable patrimonio xeolóxico, coma poden ser a presenza das rochas máis antigas de Galicia ou unha das fallas máis importantes da Península Ibérica, a falla de Viveiro. Todo isto permite coñecer moito mellor o pasado xeolóxico de Galicia e que grandes acontecementos se produciron dende entón. A saída será ás 10:30 desde o Concello de Ourol. É obrigatorio levar chaleco reflector, roupa axeitada á meteoroloxía e calzado cómodo ademais de auga. Tamén se poden levar bastóns de monte.
Toda a información sobre as rutas, a súa duración, as características, etc… están na páxina web do proxecto enruta.amarinalucense.gal e a través das redes sociais de Turismo da Mancomunidade:
@amarinalucense.turismo
@visitamarinalucense
@amarina_turismo
Por outra banda, o presidente da Mancomunidade, Francisco Cajoto, e a axente de Desenvolvemento Turístico, Tania Hermida, participaron este venres nunha mesa temática organizada polo Centro de Estudos e Investigacións Turísticas (CETUR) xunto a outros xeodestinos de Galicia para a obtención de información que poda ser relevante de cara a elaboración do “Plan Director do Turismo de Galicia fronte aos efectos da Covid-19”.
Por Xove e Ourol discorrerán as últimas andainas deste outono de A Mariña en ruta, os días 5 e 13 de decembro
Relacionado
-
Alcoa San Cibrao pecha a súa axenda de voluntariado de setembro xunto a 13 entidades de A Mariña
-
Máis de 50 establecementos hostaleiros de Ribadeo súmanse á campaña Hostelería #PorElClima
-
Balseiro: “O Goberno de Sánchez recoñece que reduciu á metade o tramo da A-74 respecto ao proxectado polo Goberno de Rajoy”
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
