Ribadeo, a 13 de xaneiro de 2021. Elena Sierra contrapón “o traballo do Grupo Municipal Popular á desidia e á apatía do goberno local do BNG”.
A vicevoceira do Grupo Municipal Popular denuncia unha vez máis “contedores cheos e rúas sen limpar”; así coma “falta de iluminación en moitas das nosas rúas” que segundo a popular “foron a tónica reinante durante este Nadal en Ribadeo”.
Fronte a estas mostras de desidia, desinterese e falta de organización do traballo municipal, Sierra destaca que “dende o Grupo Municipal Popular levamos dende o comezo deste mandato reivindicando o mesmo”; pero lamenta que “sempre obtemos un non por resposta dende o grupo nacionalista de goberno”.
Espírito de colaboración do Grupo Municipal Popular, falta de traballo do goberno local
A popular explica que “estivemos axudando en todo o posible ao comercio e á hostalería” de xeito que “a Xunta financiou actividades de rúa para nenos e nenas -a visita dos Bolechas- e investiu 7.000 euros na achega directa de 15.000 bolsas ao comercio local entre outras inversións de cara á dinamización do comercio ribadense, mentres que o goberno local non fixo nada”.
“Ante a desidia e apatía do comercio local, dende o Grupo Municipal Popular seguimos co mesmo espírito de colaboración que co que empezamos o mandato. Pero botamos en falta traballo serio e coordinado por parte do goberno local”, asegura Sierra.
A unión fai a forza
“Imos seguir traballando porque estamos convencidos de que esa é a liña a seguir e agardamos que os demais se convenzan tamén de que a unión fai a forza”, conclúe a popular.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
