A Mariña, 9 de abril de 2021. O Partido Popular ratifica a súa defensa do sector pesqueiro galego no proceso de revisión do sistema de control da pesca da Unión Europea, así como dos intereses pesqueiros no contexto do Pacto Verde e a Estratexia de Biodiversidade da UE para 2030, que tamén contén visións que esquecen a dimensión social e económica da pesca.
Deste xeito, con este obxectivo se aprobou esta mesma semana a proposición non de lei do Grupo do PP, a través da que se demanda ao Goberno de España que leve a cabo as actuacións oportunas de rexeitamento a dunha nota explicativa na que a Comisión Europea lle pide aos eurodeputados que tomen partido por unha liña plenamente ambientalista, xa que o contido atenta contra a imaxe e traballo do sector do mar e a de todas as persoas profesionais que nel traballan.
O presidente da Comisión de Pesca e deputado mariñao, José Manuel Balseiro Oro, manifesta que “imos a seguir traballando na defensa dun regulamento de control acaído para a flota galega, especialmente a de artes menores, xa que os pescadores galegos e os da Mariña, en particular, se senten culpabilizados sen razón”.
“Cuestións moi positivas acadadas polo PP”
A este respecto, Balseiro lembra que o Partido Popular foi a única formación que recolleu integramente as emendas formuladas polo Consello Galego de Pesca en 2018, e que esta formación votou a favor da definición multiparámetro da frota de baixura e dos lotes en favor da conserva galega. Asemade, indica, “o PP acadou cuestións moi positivas” como un período de transición maior para a aplicación das novas normas; a recuperación do plan de mostraxe de pesaxe e a marxe de tolerancia na estimación de pesaxe; a eliminación das capturas estimadas no caderno diario de pesca á finalización do día para os barcos de menos de 12 metros e non tras cada lance ou operación de pesca e que o envío do diario de pesca, no caso dos de baixura, poida facerse unha vez se estea atracado en porto e non antes de entrar como quería a Comisión.
Balseiro tamén lembrou que o PP votou en contra de incluír novas medidas coma a xeolocalización dos buques da frota costeira artesanal, a obriga de cumprimentar un diario electrónico de pesca para esta frota ou a instalación de cámaras de TV a bordo dos buques para a vixilancia das súas actividades pesqueiras, cuestións nas que tanto o grupo no que se integra o BNG coma o PSOE votaron a favor ou se abstiveron.
Por último, o deputado mariñao lembrou que “para facer cambios en positivo e en favor da nosa frota é necesario facer emendas e defendelas, e o BNG, a través dos eurodeputados cos que foi en coalición electoral, non fixo nin a primeira e incluso o seu grupo foi máis alá e votou en contra porque quería un regulamento moito máis restritivo e duro nas normas de control da actividade pesqueira”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.