Santiago de Compostela, 5 de maio de 2021. O conselleiro do Medio Rural, José González, acudiu esta mañá á comarca da Mariña para comprobar in situ como se desenvolven as prácticas do Grao medio de aproveitamento e conservación do medio natural inaugurado este curso 2020/2021 no Centro de Formación e Experimentación Agroforestal (CFEA) Pedro Murias de Ribadeo, onde posteriormente acudiu á presentación do vídeo promocional “O rural que existe e avanza”. Acompañado do director da Axencia Galega da Calidade Alimentaria (Agacal), José Luis Cabarcos, o conselleiro puxo de relevo a importancia de iniciativas coma este Grao medio que se imparte en modalidade FP dual para garantir a inserción laboral dos participantes.
Primeiramente, o conselleiro e o director da Agacal estiveron na sede da empresa Tecmaf (Centro Técnico de maquinaria forestal), en Barreiros, observando como os alumnos do Grao medio de aproveitamento e conservación do medio natural do CFEA Pedro Murias aprenden a empregar diversos tipos de maquinaria. Alí, José González lembrou que este ciclo veu inaugurar o Polo de formación forestal da Mariña, xa que esta iniciativa xa estaba implantada no IES San Rosendo, de Mondoñedo. Este polo de formación -engadiu- chegou para quedar porque este ciclo ten asegurado o seu futuro no curso vindeiro, cando se desenvolverá o segundo ano de contidos teóricos e prácticos que culminarán máis de 2.000 horas de formación desenvolvidas tanto no propio CFEA ribadense como en empresas do sector.
Nesa liña, o conselleiro agradeceu o labor de todas as empresas da Mariña onde estes alumnos fan prácticas ao abeiro deste ciclo, así como á Asociación de Transformación da Madeira de Lugo, que tamén está a colaborar. Lembrando que cada un dos dous cursos consta de seis módulos, apuntou que no primeiro ano se tratan cuestións primordiais como os fundamentos agronómicos, os principios de sanidade vexetal, as repoboacións forestais e tratamentos silvícolas, a produción de planta forestal en viveiro, a maquinaria e instalacións forestais e a orientación laboral. Xa no segundo, os estudantes formaranse sobre o control fitosanitario, o aproveitamento do medio natural, a prevención de incendios forestais ou as diversas posibilidades de iniciativas emprendedoras.
Ante os alumnos do ciclo, o conselleiro do Medio Rural confiou en que grazas á formación recibida rematarán plenamente preparados para formar parte de empresas grandes, medianas ou pequenas, tanto públicas como privadas, dedicadas a traballos de repoboación forestal, de restauración e ordenación hidrolóxica forestal e de aproveitamento forestal, así como de control e vixilancia do medio natural. Eles, engadiu, son unha clara representación do que debe ser o futuro do noso rural.
Aposta pola formación
A visita do conselleiro e do director da Agacal á Mariña lucense concluíu no CFEA Pedro Murias de Ribadeo, onde se presentou o vídeo promocional “O rural que existe e avanza”. Nel participan representantes e exalumnos deste centro, así como produtores e empresas da zona, para poñer de relevo a necesidade de formación para garantir o futuro dos sectores agrario, gandeiro e forestal.
Sinalando que a Mariña é unha das comarcas que máis cortas de madeira rexistra de Galicia, o titular de Medio Rural resaltou que o sector forestal da nosa comunidade aglutina preto do 50% da madeira de España e máis de 2.000 empresas vinculadas que reclaman persoal cualificado.
Nesa liña, José González referiuse ao Plan de formación ao agro galego da Xunta como un plan estratéxico de formación agroforestal que materializa unha oferta aberta, flexible e accesible de aprendizaxe permanente que contribúe á profesionalización das explotacións, que fomenta a competitividade das empresas e que favorece a remuda xeracional no rural.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
