BURELA (FNC) .- Os concelleiros Neves Cando e José González Legazpi criticaron esta tarde ao PP ao que acusaron de traizoar aos veciños das Casas Baratas despois de teren votado en contra dunha iniciativa presentada polo BNG para que continuasen as actuacións programadas e presupostadas pola Consellería de Vivenda en 2009. Os edís nacionalistas aseguran que si algo ocorre nos tellados desas casas será unicamente responsabilidade da Xunta.
Neves Cando sinalou que “na sesión celebrada hoxe no parlamento o PP reiterou unha vez máis a traizón aos veciños das Casas Baratas ao votar en contra dunha iniciativa presentada polo BNG na que se reclamaba que o goberno galego continuase as actuacións programadas e debidamente orzamentadas pola Consellería de Vivenda no ano 2009 para a reparación dos grupos de vivendas de promoción pública das Casas Baratas e da rúa do Río”.
A concelleira de Benestar Social lembrou que “o anterior goberno galego a través da Consellería de Vivenda e Solo, da que era responsable a nacionalista Teresa Táboas, acometera nas vivendas das Casas Baratas dúas tarefas. Por un lado, resolver a eiva xurídica dos propietarios destas vivendas ás que non se lles entregaran as escrituras de propiedade despois de máis de 50 anos da súa construción. E por outro, a execución das obras para reparar os seus tellados tal e como recollían os orzamentos do ano 2009 da Xunta de Galicia. Desmentindo as mentiras do PP que, enganando aos veciños dicía que non había tales orzamentos, quero dicirlles que nos presupostos do IGVS para o 2009 no capítulo 6 partida 6170 de reparación de vivendas de promoción pública que tiña un orzamento total de 6 millóns de euros, case 1 millón de euros correspondían as obras das Casas Baratas e da rúa do Río de Burela”.
Cando subliñou que “o PP votou tamén en contra, no pleno que celebramos este mes, dunha moción nosa na que esixíamos ao goberno galego que executase esas obras debidamente orzamentadas no ano 2009 e das que unha fase xa tiña licencia municipal. Collidos nesta mentira, posto que os cartos xa os había, o PP no parlamento galego xa non dubida desto e agora bota balóns fora argumentanto que terían que ser tamén o goberno central e o Concello, a través da declaración das Casas Baratas como unha área de rehabilitación integral nun proceso que levaría anos, os que terían que acometer as obras cando as competencias en materia de vivenda, protexida neste caso, son da Xunta de Galicia”.
A edil do BNG engadiu que “o PP, primeiro en Burela e despois no parlamento galego, abandona a estes veciños das Casas Baratas nun asunto tan importante como a reparación dos tellados que teñen máis de 50 anos. Ademais un grupo de 15 vivendas aínda son propiedade da Xunta, posto que non están entregadas as escrituras de propiedade e se algo pasa neses tellados será responsabilidade do PP na Xunta ao negarse a amañalos”.
Neves Cando e José González Legazpi consideran que “agora o PP de Burela terá que dar explicacións a estes veciños de por qué os tellados da rúa do Río serán amañados, segundo eles dicían estes días, e sen embargo os das Casas Baratas non, estando este grupo de vivendas nas mesmas condicións legais. E terán que explicar tamén en que gastaron o millón de euros dos orzamentos de 2009 destiñados para estas obras. Se os tellados das Casas Baratas non se amañan aquí só hai un responsable e un culpable e ese é o PP”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
