Lugo, 16 de decembro, 2021.
CIRCUÍTO DE TEATRO AFECCIONADO
Venres, 17 de decembro
XERMADE
Biblioteca Municipal, 18:00 horas
O Grupo Alentía Teatro, de Palas de Rei, representa “A escada dos soños”.
Sinopse:
É este un compendio de historias que aborda con tenrura e humor problemas tan importantes como a igualdade de oportunidades entre os xéneros, o acoso escolar, a cultura da paz, o recoñecemento á sabedoría e á experiencia das persoas maiores, o valor instrumental da educación como ferramenta imprescindible no crecemento do ser humano… Trátase dun espectáculo que reflexiona, en clave de humor, sobre a importancia de cultivar a autoestima, a mellor ferramenta para sortear obstáculos na vida. Que a fantasía arroupe os nosos corazóns!
CERVO
Salón de actos do Concello de Cervo, 20:00 horas
O grupo de teatro A Mariña, de Cervo, representa “O xardín solitario”.
Sinopse:
Comedia de dous actos. Un Xardín que se sinte só, convoca a diferentes árbores frutais para escoller aquela que poderá vivir con el na súa ladeira norte. Ata alí achegaranse o Señor Limoeiro, cargado de limóns para agasallarlle ao Xardín, o Señor Laranxo, que tratará de persuadir ao Xardín coas súas saborosas laranxas, a Señora Cerdeira, convencida de ser a árbore gañadora e o Señor Kiwi, coa súa gran parra de kiwis. Tamén acudirán ao chamado o Señor Castaño, prometéndolle ao Xardín as mellores castañas da zona e a gran Maceira, fachendosa das súas mazás vermellas. Por último, recibirá as visitas dunha gran Nogueira e do Señor Cáctus. No desenlace…, que árbore será a afortunada?
Sábado, 18 de decembro
LÁNCARA
Espazo polifuncional do Campo da Feira, 19:00 horas
O Grupo de Teatro Os Palimoquiños, de Lugo, representa “Borralliña”.
Sinopse:
Esta é unha adaptación de “La Cenicienta” dos irmáns Grimm en clave de humor. Hai moito moito tempo, había un país moi rico gobernado por un Rei e unha Raíña xustos e bondadosos. El chamábase Cintolo e ela Madrepérola. Eran moi felices xunto co seu fillo Azul Celeste. Só unha preocupación atenazaba os seus corazóns, o desexo de ver ao seu fillo casado…
Domingo, 19 de decembro
SARRIA
Casa da Cultura, 19:00 horas
O Grupo de Teatro Nova Escena, de Lugo, representa “A tortilla e a peste”.
Sinopse:
Varias mulleres contan a súa experiencia durante o período do confinamento. A privación de contacto, o illamento, a distancia, fan que cousas cotiás, como unha simple tortilla, adquiran unha dimensión diferente, converténdose no “axis mundi” duns personaxes ligados ao mundo a través do finísimo fío da tecnoloxía.
RIBADEO
Teatro de Ribadeo, 20:00 horas
O Grupo de Teatro Curuxán, de Lugo, representa “Spinof”.
Sinopse:
Obra baseada no método Harold de creacións de escea impro. A través de tres historias conectadas co “efecto bolboreta´´, o propio público escollerá aos protagonistas, ás súas historias, o contexto e os seus obxectivos: un home negocios que precisa axuda, unha anciá que só ten lembranzas e unha axente de viaxes que quere rematar a súa xornada para poder descansar. Que relación teñen entre si? E se non son eles e son outras personaxes totalmente distintas? E se nos atopáramos nun mundo fantástico, pasando a outro de detectives e rematando cun musical? Neste caos argumental ao final todo ten o seu sentido.
Martes, 21 de decembro
BECERREÁ
Polideportivo do Ceip San Xoán de Becerreá, 18:00 horas
O grupo de teatro A Mariña, de Cervo, representa “O xardín solitario”.
Sinopse:
Comedia de dous actos. Un Xardín que se sinte só, convoca a diferentes árbores frutais para escoller aquela que poderá vivir con el na súa ladeira norte. Ata alí achegaranse o Señor Limoeiro, cargado de limóns para agasallarlle ao Xardín, o Señor Laranxo, que tratará de persuadir ao Xardín coas súas saborosas laranxas, a Señora Cerdeira, convencida de ser a árbore gañadora e o Señor Kiwi, coa súa gran parra de kiwis. Tamén acudirán ao chamado o Señor Castaño, prometéndolle ao Xardín as mellores castañas da zona e a gran Maceira, fachendosa das súas mazás vermellas. Por último, recibirá as visitas dunha gran Nogueira e do Señor Cáctus. No desenlace…, que árbore será a afortunada?
Mércores, 22 de decembro
BEGONTE
Casa da Cultura, 18:00 horas
O Grupo de Teatro Os Pinchacarneiros, de Lugo, representan “O Lazarillo do Miño”.
Sinopse:
Esta é unha versión distinta do clásico do Lazarillo. Varios Lazarillos localizados nas terras do Miño, amosan unha realidade poboada de xentes de todo tipo, cregos nada caritativos, ricos que son máis ben mendigos, xente que se aproveita da boa fe dos demais ou persoas que loitan por ter un codelo de pan que levar á boca. Neste contexto, os diferentes lazarillos deberán tirar do seu enxeño para poder sobrevivir e non morrer de fame. E todo isto con moito humor, danza, teatro e, sobre todo, integración.
CIRCUÍTO DE TEATRO PROFESIONAL
Sábado, 18 de decembro
LUGO
Local da Asociación Cultural Hipócrita Teatro, 18:00 horas
A compañía Sr López Producións, representa “A viaxe do señor López”.
Sinopse:
O señor López é unha persoa solitaria, triste e gris. Un día calquera acontécelle unha desas cousas solitarias, tristes e grises tan características do mundo dos adultos e a partir dese momento todo cambia. Monta unha compañía de teatro. Aprende a contar chistes. Fala idiomas inventados. Viaxa nunha balsa por un mundo cheo de cores e alegría. O señor López convértese nun paxaro-inuit. Úneste á súa viaxe?
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
