Viveiro, 16 de febreiro de 2022. O Concello de Viveiro anuncia os detalles do programa do Entroido 2022, cuxos eventos comezarán o próximo xoves 24 de febreiro e rematarán o mércores 2 de marzo. O goberno local recupera así esta festa, tras a mellora epidemiolóxica, contando de novo co tradicional Concurso de Disfraces do Desfile de Entroido, cuxas inscricións abren este venres.
O programa de actividades retoma as Alpuxarradas e o enterro da sardiña, ademais de obradoiros e inchables para a infancia, un scape room e diferentes eventos con música en directo.
A programación comezará o xoves 24 co “Juepeo especial de comadres”, nos locais de hostalaría do Centro Comercial Casco Histórico de Viveiro. O sábado 26 será o momento da “Troula de Entroido”, ás 13:30 amenizada polo grupo musical “Los Alcántara”, na carpa da Praza Maior.
O mesmo sábado, ás 20:30, será o certame de “Alpuxarradas”, no Teatro Pastor Díaz de Viveiro e presentado polo actor Pedro Brandariz. As entradas, cun custe de 2 euros, reservaranse no teléfono 982560162 ou no e-mail: rbg.cultura@viveiro.es
O domingo 27 será o turno da “Troula de Entroido”, ás 13:30 co grupo musical “Vivarium” na Praza Maior de Viveiro. Nesa xornada tamén se instalarán inchables para a rapazada a partir das 17:30.
O domingo 27 e o luns 28 de febreiro celebrarase o obradoiro “Imos facer a Parrochiña”. Ambos días haberá dous grupos, de 11:00 a 12:00 para a infancia e de 12:30 a 13:30 a partir de 6 anos. As prazas deberán reservarse no teléfono 654208333.
O luns 28, organizarase ás 16:30 o “Scape Room” do grupo de participación xuvenil de Viveiro, unha actividade gratuíta no Polideportivo Antonio Tarrío e cuxas inscricións se xestionan no teléfono 676816090. Tamén o luns celebrarase a festa infantil “Enredos de Entroido”, na carpa da Praza Maior ás 17:30.
O martes, 1 de marzo, de 13:30 a 18:00 estará a “DiscoTroula de Entroido”, na Praza Maior. Ás 17:30 sairá o Gran Desfile de Entroido, que finalizará tamén na Praza Maior.
O mércores 2 de marzo finalizarán os festexos de Entroido co enterro da sardiña. Esta festa terá versión infantil, ás 18:30, onde os nenos nenas recibirá chocolate con churros. A versión adulta do enterro da sardiña será ás 21:00, amenizada pola charanga “SantaCompaña” e con reparto de bolos preñados e viño.
As bases do Concurso de Disfraces do Desfile de Entroido xa están publicadas, establecendo categorías de adultos (carrozas, comparsas, grupos, parellas e individual) e infantil (individual, parellas e grupos).
O prazo de inscrición ao desfile abrirase o mañá xoves 17 de febreiro e pecharase o 27 do mesmo mes. O Concello de Viveiro concederá premios aos catro mellores participantes en cada categoría, cun premio de 700 euros para a mellor carroza. En total, repartiranse máis de 5.000 premios entre todas as categorías.
Tamén se concederá un premio especial ao humor e á orixinalidade, entre todos os participantes da categoría adultos, ambos doados polo Centro Comercial Casco Histórico de Viveiro. Ademais, o Concello de Viveiro outorgará unha axuda especial por un importe máximo de 200 euros a cada unha das carrozas participantes no desfile.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
