Sete entidades do Páramo, Cervo, Lugo, Lourenzá, Pedrafita do Cebreiro, Vilalba e Ribeira de Piquín participan dende hoxe ata o venres nas viaxes gratuítas da institución provincial que buscan dinamizar o turismo, a hostalería e o comercio
Lugo, 14 de xuño de 2022. Sete entidades de toda a provincia participan dende este martes ata o venres no programa Coñece a túa provincia da Deputación de Lugo. Esta semana serán colectivos do Páramo, Cervo, Lugo, Lourenzá, Pedrafita do Cebreiro, Vilalba e Ribeira de Piquín os que participen nas viaxes gratuítas impulsadas pola institución provincial para dar a coñecer o patrimonio natural e cultural dos concellos lucenses e dinamizar a actividade do turismo, a hostalería e o comercio.
Os percorridos levarán á veciñanza durante estes catro días a concellos da Ribeira Sacra, como Taboada, Chantada, Sober, Monforte, O Saviñao e Sober, pero tamén descubrirán Burela e Foz.
A Asociación de Amas de Casa, Consumidores e Usuarios Alborada de San Cibrao, en Cervo, é a primeira entidade participa esta semana no programa provincial. O colectivo cervense percorreu o Pazo de San Marcos e parte do patrimonio románico de Taboada e Chantada e achegouse a unha adega desta subzona.
Usuarios e usuarias de Auxilia Lugo coñecerán mañá mércores o traballo da Produtora do Servizo de Audiovisuais da institución provincial e os concellos de Sober e Monforte. Nestes municipios poderán ver unha adega, a Ribeira Sacra dende un dos seus miradoiros e o río Sil dende o catamarán da Deputación de Lugo. Na mesma xornada, a Asociación de Veciños, Sociocultural e Medioambiental de Santo Adrao, de Lourenzá, realizará unha visita ao Pazo de San Marcos e ao patrimonio da Ribeira Sacra dende o concello do Saviñao, co paradas en Cabo do Mundo ou no Ecomuseo de Arxeriz.
Xa o xoves, o alumnado do Colexio Público de Pedrafita visitará Burela e Foz tras realizar unha parada na Produtora do Servizo de Audiovisuais, onde coñecerá o traballo que se leva a cabo nestas dependencias da Deputación de Lugo. Nos concellos mariñáns pasearán polas praias de Foz ou o porto burelao, ademais de visitar a Basílica de San Martiño de Mondoñedo. Tamén ese día, a Asociación de Veciños da Parroquia de Santiago de Sancovade, de Vilalba, fará un percorrido polo Pazo de San Marcos e descubrirá os recursos naturais e patrimoniais de Monforte e Sober.
A Asociación Mulleres Rurais do Chao, de Ribeira de Piquín, e a Asociación E-Deidades para a Integración Laboral e Social da Muller, de Lugo, pecharán esta semana as viaxes do Coñece a túa provincia. O colectivo de Ribeira de Piquín fará un percorrido polo Mazo de Santa Comba e coñecerá tamén os concellos de Sober e Monforte, mentres que o lucense, visitará a Produtora da institución provincial antes de poñer rumbo ao Saviñao.
O Deputado de Promoción Económica e Social, Pablo Rivera Capón, acompañou este martes aos veciños de Cervo na súa visita ao Pazo de San Marcos, onde destacou o éxito do programa Coñece a túa Provincia, co que “buscamos apoiar a actividade do sector turístico, hostaleiro e comercial, e, ao mesmo tempo, consolidar un modelo de turismo de calidade, sostible, con capacidade para atraer visitantes ao longo do ano, que pon en valor o patrimonio e que mantén e crea emprego, sobre todo no rural”.
Polo turismo de proximidade
Máis de 3.000 persoas de 135 asociacións beneficiaranse das viaxes gratuítas pola xeografía lucense nesta segunda tempada do Coñece a túa Provincia. As saídas terán lugar en dúas quendas que permitirán coñecer a provincia en primavera, entre marzo e xuño, e en outono, de setembro a novembro.
O programa inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas son realizadas por profesionais que contan coa habilitación de guía oficial de turismo de Galicia e polo persoal de atención ao público nos diferentes museos, empresas ou obradoiros sinalados nos itinerarios do programa.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
