A administación local investirá 115.300 euros do remanente de tesourería na renovación integral da sinalización de todo o termo municipal
Cervo, 18 xuño de 2022. O Concello de Cervo vai acometer unha renovación integral da sinalización de todo o termo municipal “que afectará ao conxunto dos núcleos de poboación e aos diferentes indicativos direccionais do municipio”.
Así o anunciou o rexedor, Alfonso Villares, que avanzou que o orzamento para esta actuación supera os 115.000 euros (115.301,72 euros concretamente); procedentes todos eles das arcas municipais, do remanente de tesourería que nos permite afrontar este investimento grazas á xestión rigorosa das contas públicas.
O orzamento inclúe a fabricación, subministro, instalación e montaxe da sinalización direccional e das placas cos nomes dos diferentes núcleos de poboación, incluíndo a retirada e o relevo dos elementos antigos.
Tal e como subliña Villares, con esta iniciativa o que pretendemos é homoxeneizar a imaxe do Concello, reforzando a identidade de Cervo, como un todo; tamén a nivel turístico para que cada recuncho quede perfectamente identificado”.
Todos os elementos, evidentemente, estarán construídos con materiais altamente resistentes aos axentes meteorolóxicos, de alta calidade de forma que garantan a súa durabilidade e faciliten o seu posterior mantemento.
Por outra banda o rexedor, explicou, que outra das actuacións que se van executar con fondos do remanente de tesourería será a mellora e acondicionamento dun camiño que transcorre polo núcleo de Abrigo, na parroquia de Rúa, que dá acceso a diferentes fincas da zona; por un importe de 26.550 euros.
O proxecto contempla a ampliación do ancho do camiño, de maneira que se facilite o acceso ás fincas localizadas nesa zona. Levantarase, tamén, un muro de dique para a contención da estrada, de 25m de largo e 2,5m de ancho, e así estabilizar o noiro existente.
Levarase a cabo – tamén – unha pavimentación da vía mediante a extensión e compactado dunha capa de xabre.
Con esta obra –subliñou Villares- “incrementamos as infraestruturas básicas e melloramos a accesibilidade dunha zona rural do noso municipio, dando un paso máis na procura do obxectivo de equilibrar a balanza de servizos básicos entre as zonas urbanas e rurais, facilitando que para a nosa veciñanza sexa igual de atractivo vivir nun sitio que noutro”.
Ademais, no pleno extraordinario que se celebrará a vindeira semana, tamén se aprobará un suplemento de crédito de 250.000 euros para a execución do paseo peonil de Sargadelos “dado que o orzamento previsto foi actualizado e viuse incrementado ata os 749.946,51 euros pola situación de mercado actual ante a suba do prezo das materias primas; así como pola maior presión ocasionada nos costes de produción pola guerra de Ucraína, debido ao peche da actividade de importantes produtores de materiais de construción”.
Coa execución desta senda peonil o que se pretende é comunicar a Antiga Real Fábrica de Fundición de Sargadelos coa actual Fábrica de cerámica; “dous puntos neurálxicos do municipio”.
O obxectivo principal desta actuación é separar o tráfico peonil do rodado, o que supón unha remodelación integral da vía, establecendo unha nova cuneta de formigón cos seus respectivos desaugues e cruces da vía.
Tamén se vai a renovar a rede de abastecemento de auga, propiciando a conexión coa actual fábrica de Sargadelos.
Establecerase – ademais – unha rede de alumeado público, respectuosa coa paisaxe, entre os dous puntos, executando as canalizacións, o cableado e as luminarias precisas para ofrecer este servizo. Por último, soterrarase o cableado existente na actualidade da rede de telefonía e renovarase a pavimentación dos tramos afectados pola obra.
Villares destacou a magnitude desta obra “que incrementará, máis se cabe, o atractivo desta zona que, lembremos, comunica dous emprazamentos declarados Ben de Interese Cultural”.
Polo tanto estamos a falar –engadiu- dunha actuación en prol do patrimonio do noso Concello, que contribuirá a dar seguridade e a revalorizar toda esa contorna que ano tras anos gaña visitantes atraídos pola súa enorme riqueza histórica e natural”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
