Ribadeo, 11 de novembro de 2022. A Aula ceMIT de Ribadeo acollerá neste mes de novembro actividades formativas sobre seguridade dixital, prevención de estafas en Internet e operacións dixitais cos bancos.
O concelleiro de Novas Tecnoloxías, David Rivas Peña, explica: “no Concello de Ribadeo, como administración máis próxima ás persoas, somos conscientes do proceso de dixitalización que está a ter lugar na nosa sociedade e tamén dos temores e das reservas que poden suscitar levar a cabo certas operacións na Internet, sobre todo no que toca a comercio on line e a operacións bancarias.
Por isto neste mes de novembro imos dedicar tres xornadas na Aula ceMIT, coa colaboración da Xunta de Galicia e da Federación Galega de Asociacións Universitarias Séniors, para abordar estes temas: a primeira delas sobre seguridade dixital, o 14 de novembro; outra, sobre prevención de estafas on line, o día 17; e unha derradeira, sobre operacións dixitais con entidades bancarias, dende caixeiros automáticos, pasando por banca telefónica e tamén banca on line”.
David Rivas engade que “fundamentalmente o que se pretende é desestigmatizar unhas prácticas cada vez non só máis habituais senón en moitos casos necesarias e que as persoas poidamos abordalas cunhas certas garantías”.
O vindeiro luns, 14 de novembro, terá lugar o curso sobre seguridade dixital, no que se abordará “a preparación do entorno dixital nos nosos equipos para realizar operacións cas nosas entidades bancarias. Falarase sobre as pautas xerais de seguridade nos ordenadores que traballen con Windows e en dispositivos móbiles que se basean en Android”, explican desde a Aula ceMIT. Será de 10:30 a 11:30 horas.
O día 17, xoves, haberá una charla dirixida a persoas maiores sobre como protexerse das estafas en Internet. “Farase un repaso polos mecanismos de desinformación aos que nos vemos sometidos cada día dende a análise dun caso real. Repasaremos as estafas en Internet máis habituais e os principais mecanismos para previlas”. Será en horario de 10:00 a 11:30.
Para o 24 de novembro está programado un seminario sobre como operar dixitalmente cos bancos, no que “percorreremos os puntos clave de todos os canles electrónicos da banca, dende os caixeiros automáticos ata as apps, banca telefónica e os medios de pago on line”. Será de 12:00 a 13:00 horas.
Todas estas actividades son de balde. A reserva de prazas pode facerse enviando un correo electrónico a cemit.ribadeo@xunta.gal ou a través da web do ceMIT: https://aulacemit.ribadeo.org
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
