A conselleira do Mar presidiu o pleno do Consello Galego de Pesca no que se analizaron as posibilidades de pesca fixadas para 2023 e outros asuntos de actualidade do sector
Santiago de Compostela, 14 de decembro de 2022. A conselleira do Mar, Rosa Quintana, presidiu hoxe o pleno do Consello Galego de Pesca no que se analizou o resultado do Consello de Ministros de Pesca da Unión Europea no que se fixaron os totais admisibles de capturas (TAC) e cotas de 2023 en augas europeas e tamén outros asuntos de actualidade do sector como o veto á pesca de fondo. Neste sentido, a titular de Mar anunciou que a Xunta acompañará como parte coadxuvante á Organización de Produtores Pesqueiros de Burela (OPP-7) no recurso que presentou contra o regulamento de execución aprobado pola Comisión Europea.
Rosa Quintana avanzou que o Consello da Xunta de mañá vai aprobar un acordo para que a comunidade interveña no proceso, o que lle permitiría responder aos argumentos da parte demandada -Bruxelas- e reforzar os da parte demandante, a OPP-7.
A representante do Executivo galego explicou que hai seis semanas de prazo para sumarse á demanda do sector unha vez que esta saia publicada no Diario Oficial da Unión Europea. Posteriormente será o Tribunal Xeral da Unión Europea o que deberá decidir sobre a demanda de intervención e, no caso de ser admitida, establecerá o prazo para a súa formalización.
A Xunta intensifica así o apoio que vén brindando desde o principio neste asunto tanto ao sector marítimo-pesqueiro afectado como ao Goberno central, que xa presentou o seu recurso. De feito, Galicia aportou ás dúas partes -Estado e frota- os argumentos técnicos e xurídicos necesarios para fundamentalo co obxectivo de que prospere.
A titular de Mar explicou que Galicia segue así os pasos marcados polos distintos expertos xurídicos consultados, que inciden en que un recurso liderado en solitario por unha comunidade autónoma tería poucas posibilidades saír adiante. Neste sentido, subliñan que a demanda do Estado é a mellor opción -pois é un actor privilexiado e ten máis fácil xustificar e fundamentar que é unha medida que prexudica os seus intereses- ao tempo que tamén cabe a posibilidade de que se presenten recursos individuais dos armadores afectados, como o da OPP-7.
Rosa Quintana incidiu en que Galicia vai seguir apoiando ao sector no seu obxectivo de facer fronte a unha medida que no seu primeiro mes de vixencia provocou un descenso das capturas do palangre de fondo de Gran Sol do 50% e dun 20% na facturación.
Outros asuntos
O pleno do Consello Galego de Pesca tamén analizou outros asuntos como o resultado do Consello de Ministros de Pesca da UE, sobre o que a conselleira indicou que Galicia só pode facer un balance negativo pois o acordo acadado apenas supón melloras en relación coa proposta inicial realizada por Bruxelas. Neste sentido, lembrou o caso do xurelo no Cantábrico e augas de Gran Sol, para o que se estableceu un TAC de 15.000 toneladas (3.000 para España) e condicionadas á pesca accesoria, o que pode complicar a actividade da frota de cerco galega que faena neses caladoiros.
Os representantes do complexo mar-industria galego tamén aprobaron o ditame elaborado polo grupo de traballo creado co obxectivo de analizar o Proxecto de Lei de Pesca Sostible e Investigación Pesqueira do Estado, sobre o que a conselleira apuntou que ten importantes eivas e que precisa importantes axustes para atender as necesidades do sector marítimo-pesqueiro galego.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
