A piques de rematar o 2022, Manuel Rouco fai balance do grao de cumprimento do goberno socialista
Burela, 26 de decembro de 2022. O PP de Burela agarda que “o goberno do señor Llano cumpra para o 2023 as promesas e acordos polo ben dos veciños e veciñas do nosa vila”. A piques de rematar o ano 2022, o voceiro do Grupo Municipal do PP de Burela, Manuel Rouco, sinala que “o goberno socialista non dá explicacións sobre os seus sistemáticos incumprimentos”.
O popular cita, por exemplo, “a promesa durante a campaña das municipais do 2019 de construír un novo pavillón de deportes que fora moi sonada”. Tamén apunta Rouco que os socialistas se comprometeran a construír un polígono industrial para Burela, o único concello da costa da Mariña que non ten parque empresarial. Tamén manifestaran o seu compromiso para arranxar a grada do campo de fútbol da Marosa, pero xa imos polo terceiro intento de licitación das obras co seu terceiro proxecto aparellado e o seu correspondente incremento de gasto. Parece que o asunto vai para largo”, subliña Rouco.
O voceiro e presidente do Partido Popular de Burela explica que “o alcalde prometeu aos comerciantes ambulantes que ía habilitar unha solución antes de final de ano para modificar a localización do mercado semanal, pero á vista está que nada de nada”. Igualmente, “o goberno local que preside o señor Llano tamén asegurou que o edificio da antiga Capitanía Marítima ía ter un ascensor para facilitar o acceso ás persoas con dificultades de mobilidade ao segundo piso onde se atopa o xulgado de paz; pero ata o de agora nada de nada, tampouco”.
Rouco sinala tamén entre os “numerosos exemplos de incumprimentos do goberno local: o compromiso para aumentar o grao de transparencia e facilitar o acceso á información por parte dos veciños e veciñas de Burela do que nada se sabe”. Por exemplo, nestas datas podería ter publicado no Portal de Transparencia as modificacións do PXOM que foron a pleno; pero, en lugar diso, obriga aos veciños e veciñas a ir á Casa do Concello para solicitar a documentación e coñecer ditas modificacións; unha situación que, en moitos casos, supón un trastorno”.
INCUMPRIMENTO DOS ACORDOS PLENARIOS
O voceiro popular de Burela sinala tamén incumprimentos nos acordos adoptados polo pleno da corporación municipal ao longo deste mandato. “Se ben é certo que non son vinculantes, dar cumprimento aos acordos adoptados é a forma de respectar o máximo órgano de goberno da corporación. Pero cando non se acorda o que ao alcalde lle gusta, decide non sacalo adiante”, condena Rouco que apunta tres exemplos. Por unha banda, o arranxo da Casa do Caminero -de titularidade municipal situada na entrada de Burela dende Cervo e en estado ruinoso- acordado en pleno fai máis dun ano; e, por outra, a sinatura dun convenio con Alcoa para a instalación dunha caseta de control medioambiental en terreos municipais como é a Escola de Música porque non pode ser que unha empresa privada empregue chan municipal sen ningún tipo de acordo previo”.
Así mesmo, explica que “no pasado pleno deste mes de decembro, o goberno socialista comprometeuse a asinar un documento para instar tanto á Deputación de Lugo coma á Xunta de Galicia para facer unha achega económica -que a Xunta xa fixo con máis de 65.000 euros- dirixida a que as catro vivendas de emerxencia social dos Castros puideran ser executadas pola Congregación Hijas del Divino Celo Rogacionistas”.
Rouco explica ao respecto que “os socialistas trataron de paralizar durante o pleno a moción presentada polo Grupo Municipal Popular a instancias da Congregación mediante unha emenda que era totalmente irrealizable. Os socialistas pedían que a Axencia Galega de Desenvolvemento Rural (Agader) asignara de forma directa unha contía de 85.000 euros para financiar estas vivendas cando é sabido que estas axudas son por concorrencia competitiva. Curiosamente, nesa emenda esquecían instar á Deputación de Lugo que si pode asignar axudas de forma nominativa -a única no eido de Galicia que o pode facer no eido social- a axudar á Congregación asentada en Burela para levar a cabo este labor tan importante e encomiable”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).