Un monte económicamente rendíbel non pode prescindir da súa ordenación; as persoas, as casas e o ecosistema teñen que estar protexidos para que a explotación forestal sexa viábel e cree riqueza
Ribadeo, 26 de outubro 2023. Na tarde de hoxe, o voceiro do BNG no concello de Ribadeo Pablo Vizoso Galdo, o deputado no Parlamento de Galiza Xosé Luis Rivas “Mini”, e o presidente dos Montes en Man Común de Vilaframil, Anxo Martíns Pérez, participaron nun acto público cos veciños desta parroquia de Ribadeo, e tamén doutros lugares da Mariña, falando da situación actual dos nosos montes e de como debemos actuar para que poidan ser unha fonte de recursos sen comprometer a seguridade das persoas nin a biodiversidade.
Case todos os montes privados de Vilaframil, e parte do monte comunal, arderon no terríbel incendio de hai uns días. Curiosamente, nesta parroquia houbo un intento (frustrado posteriormente polo Partido Popular) de constitución dunha UXFOR, unha unidade de xestión forestal en común dos montes privados, que, en palabras do presidente dos Montes en Man Común de Vilaframil, “con seguridade minimizaría os efectos do incendio, pois habería barreiras planificadas para cortar o lume”
A importancia das franxas de protección
Con respecto das faixas de protección das casas, Pablo Vizoso Galdo explicou que o anterior equipo de goberno do BNG en Ribadeo “puxo todo o seu empeño en que se cumprise a norma, unha norma que debía facer cumprir a Xunta de Galiza e que, curiosamente, o PP local criticou que se fixese. Agora todo o mundo coincide na necesidade da súa existencia”.
Necesidade dunha nova política forestal
O deputado Xosé Luis Rivas “Mini” insistiu na necesidade dunha nova política forestal e para o rural, tirar conclusións do que está pasando e adaptalas á nova realidade. “Un monte aproveitado e cultivado tamén necesita ordenación, máis que ningún outro. É un reto que debemos afrontar como país; non valen solucións ailladas”. Engadiu que ”resulta decepcionante ver como a un Conselleiro de Medio Rural, reunido cos alcaldes dos concellos afectados por este incendio só se lle ocorre falar, como grandes medidas, de ampliación de puntos de auga, de alargamento de pistas… ; algo que xa tiña que estar feito hai moito tempo sen ter que agardar a unha catástrofe deste tipo”
No acto de onte, onde se escoitaron as opinións e preocupacións das veciñas e veciños con intereses diversos neste sector, estiveron presentes tamén Daniel Castro García, parlamentario no Parlamento, Daniel García, deputado provincial, e Antonio Veiga Outeiro, responsábel comarcal.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).