A proxección deste filme de Mabel Lozano será ás 19:00, e ata o día 15 de abril poderase visitar a exposición co mesmo nome na propia sala multiusos do Concello
Viveiro, 3 de abril de 2024. O Concello de Viveiro proxectará, na sala multiusos, o documental contra a explotación sexual ‘Chicas nuevas 24h’, de Mabel Lozano. A proxección terá lugar ás 19:00 e está dirixida ao público xeral.
Xunto a este documental, a sala multiusos do Concello acolle así mesmo unha exposición co mesmo nome e sobre a mesma temática, que xa está dispoñible para a súa visita. A exposición permanecerá na sala ata o día 15 de abril.
Ademais, na mañá de hoxe, mércores 3 de abril, tivo lugar un taller formativo dirixido principalmente á xente moza a partir de 14 anos. Foi realizado co alumnado de 3º ESO do IES Vilar Ponte de Viveiro.
A directora e documentalista Mabel Lozano denuncia, tanto no documental como na exposición e o obradoiro derivados deste, o negocio que xera a explotación sexual de mulleres e nenas.
Estas iniciativas están impulsadas pola Rede de Entidades Locais Contra a Violencia de Xénero, da que forma parte o Concello de Viveiro. Está está impulsada á súa vez pola Consellería de Promoción do Emprego e Igualdade da Xunta de Galicia, a través da Secretaría Xeral da Igualdade, e no marco do Acordo de Colaboración coa Federación Galega de Municipios e Provincias de Galicia.
O obxectivo fundamental desta Rede é a busca do rexeitamento social e institucional da lacra que supón a violencia contra as mulleres, sensibilizando á poboación e buscando a súa implicación e compromiso real en contra da mesma, fomentando ao mesmo tempo modelos alternativos de convivencia baseados no respecto a na igualdade.
Mabel Lozano é autora doutras longametraxes, curtametraxes, series, libros e podcasts; entre eles podemos destacar ‘AVA’, ‘Flores para concha’, ‘PornoXplotación’, ‘Biografía del cadaver de una mujer’, ‘Nunca más’, ‘El Proxeneta. Paso corto, mala leche’ ou ‘Loveth’. A denuncia da violencia contra a muller é un tema central da súa obra.
Ademais, ten creado e dirixido numerosas campañas de concienciación e sensibilización sobre a cuestión de violencia contra a muller para diferentes institucións.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
