Nota de prensa
O BNG CRITICA O DERROCHE DE FONDOS PÚBLICOS EN FACER E DESFACER AS SÚAS PROPIAS OBRAS SEN PRIORIZAR A POLÍTICA DE GASTO
O Parque “Luís Seoane e Isaac Díaz Pardo” que custou 300.000 euros no 2006 xa se está remodelando no 2010 con outro gasto de 57.000 euros
Os nacionalistas pregúntanse si o PP utiliza o diñeiro público para mellorar Cervo ou para darlles choio aos amigos
Cervo, 14 de decembro de 2010. O BNG criticou a política de gasto do goberno municipal de Cervo que lonxe de priorizar semella dedicalo a dar choio aos amigos no canto de utilizalo para mellorar o concello. Os nacionalistas lembran que xa no seu día criticaron o gasto de 300.000 euros no “Parque Luís Seoane e Isaac Díaz Pardo” que pasou de ser un campo a converterse nunha superficie de formigón con numerosas zonas perigosas que xa causaron algún desgusto serio a nenos e nenas que fan uso del. Agora o goberno local ordena a execución de obras de remodelación no mesmo parque investindo case 60.000 euros nunhas obras que non van solucionar os problemas que xa tiña, adxudicando a obra á mesma empresa de sempre que semella ter a exclusiva dos concursos de adxudicación en Cervo.
Lonxe de mellorar o concello o goberno local parece dedicado a dar choio aos seus amigos
Tanto os 300.000 euros gastados nas primeiras obras executadas no “Parque Luís Seoane e Isaac Díaz Pardo” como agora os preto de 60.000 que se van gastar na actualidade “non serviron ou van servir para mellorar unha zona dotacional que debería ser un lugar agradábel para o disfrute dos veciños e veciñas de Cervo.” Os nacionalistas critican o malgasto de diñeiro público “sen control nin priorización algunha.”. O que está a suceder co “Parque Luís Seoane e Isaac Díaz Pardo” de Cervo e o mesmo que pasou co “Parque Raíña Sofía” en San Cibrao 0onde se gastaron mais de 500.000 euros en remodelalo e aos poucos meses da inauguración desfíxose de novo para as obras do saneamento, polo que o portavoz municipal nacionalistas, Xoán Estúa, “pregúntase si o PP utiliza o goberno de Cervo para mellorar o concello ou para dar choio aos amigos”.
300.000 euros para converter un campo nunha carreira de obstáculos de formigón con numerosas zonas perigosas para os nenos e nenas.
O agora denominado “Parque Luís Seoane e Isaac Díaz Pardo” e antes “Campo da Burra” era unha superficie de campo cunha lixeira inclinación que con pequenas obras de organización e xardinería e a dotación de mobiliario público e para xogos chegaría para cumprir coa súa función de zona de encontro e lecer para maiores e pequenos. “Pola contra o goberno municipal malgastou 300.000 euros enchendo ese campo de formigón a diferentes niveis e con numerosas aristas que xa supuxeron sustos, con lesións de gravidade, para varios usuarios.” O Parque foi inaugurado no 2006 e dedicado a Luís Seoane e Isaac Díaz Pardo, fundadores da actual cerámica de Sargadelos.
O PP parece ter obsesión por remodelar os parques públicos facendo e desfacendo as súas propias obras contradicindo a política de austeridade que tanto pregoan.
Aos nacionalistas sorpréndelles que só catro anos despois o mesmo goberno “corríxese a si mesmo” gastando case 60.000 euros en obras de remodelación que “tampouco eliminan os problemas de base deste equipamento.” Estúa, chamou ao goberno local a reflexionar sobre a contradicción entre o discurso oficial e a práctica real, “o importante para o goberno municipal non e construír equipamentos e servizos, senón destruír o que hai para facer outros novos e que se vexa actividade sen importar o prezo.”
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
