Burela, 3 de agosto de 2026. A alcaldesa de Burela fixo un balance “moi positivo” sobre a XL edición da Feira do Bonito, destacando que “a resposta do público foi extraordinaria durante toda a fin de semana e onte volvemos colgar o cartel de sold out na degustación, unha mostra do enorme atractivo que ten a nosa Feira do Bonito”.
Explicou que “esta feira é moito máis que gastronomía. Produart volveu rexistrar unhas excelentes vendas, demostrando que apostar pola artesanía, polos produtos ecolóxicos e polo comercio de proximidade é un acerto. A tapa elaborada coa Filloa de Muimenta foi tamén moi valorada nesta edición, enriquecendo aínda máis a oferta gastronómica”.
“Ao mesmo tempo, a presentación do festival Osa do Mar, as actividades deportivas, a concentración de vehículos clásicos ou a acción divulgativa sobre a eclipse impulsada pola Deputación de Lugo contribuíron a converter esta fin de semana nunha experiencia completa, pensada para todos os públicos e repartida por distintos espazos da vila”, explicou a alcaldesa.
“A Feira do Bonito é cada vez máis unha celebración de todo o que é Burela: o mar, a gastronomía, a cultura, o deporte, o comercio e a capacidade que temos de traballar unidos. Ese é, sen dúbida, o mellor balance que podemos facer”.
Por último, Carmela López quixo agradecer “o inmenso traballo das voluntarias e voluntarios, das asociacións, do persoal municipal, dos servizos de emerxencias e seguridade, das empresas colaboradoras, das administracións que apoiaron esta edición e de todas as persoas que elixiron Burela esta fin de semana. Grazas a ese esforzo colectivo, a XL Feira do Bonito volve consolidarse como unha das grandes citas do verán en Galicia.”
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
