Nota de prensa
A Deputación aumenta as posibilidades para atopar traballo cunha nova web que informa das ofertas laborais da provincia
– Lara Méndez inaugurou a xornada, que contou con máis de 100 persoas entre técnicos de emprego e Alcaldes da provincia, quenes coñeceron o funcionamento da páxina (http://pactoemprego.inludes.org)
– Trátase dunha nova actuación da Deputación para reducir o desemprego e aumentar a inserción laboral dos lugueses, xa que informa de todas as ofertas publicadas polas entidades e organizacións empresariais da provincia
– O novo portal creouse no marco do Pacto Provincial polo Emprego; unha iniciativa coa que se dará traballo a 500 persoas de 66 municipios, agás Lugo, que conta co seu propio programa
A Vicepresidenta Segunda da Deputación, Lara Méndez, inaugurou este luns a xornada na que se presentou o novo portal-web da Deputación creado no marco do programa europeo Pacto Provincial polo Emprego. Trátase dunha nova actuación que o organismo provincial pon en marcha para reducir o desemprego e aumentar a inserción laboral dos lugueses, xa que informa de todas as ofertas laborais publicadas polas entidades e organizacións empresariais da provincia.
No encontro, participaron máis de 100 persoas, entre Alcaldes e técnicos de emprego dos 66 municipios que están incluídos no Pacto, todos os da provincia, agás o de Lugo, que supera os 50.000 habitantes e conta co seu propio programa de inserción laboral. Lara Méndez subliñou que “é unha ferramenta extraordinaria para atopar traballo e para evitar noticias malas como as que saían publicadas en días pasados, de que Galicia é a Comunidade que máis destruíu o paro en 2010. Todas as administracións temos que ter un obxectivo: dar emprego á xente. Na Deputación temos un firme compromiso neste eido, a pesar de que non temos competencias na materia”.
Grazas ó Pacto Provincial polo Emprego, dotado con 3,4 millóns de euros e cofinanciado nun 80% polo Fondo Social Europeo, insertaranse laboralmente máis de 500 desempregados nas profesións con máis futuro na provincia, que foron previamente diagnosticadas. A través deste programa, no mes de marazo, desenvolveranse 45 cursos, que suman máis de 15.000 horas de formación e 60.000 de prácticas en empresas, e están relacionados coas áreas sociosanitaria, hostalería, turismo e forestal. Para participar, rexistráronse 1.650 solicitudes, preto do triple das prazas ofertadas. As persoas que resulten finalmente beneficiarias recibirán unha axuda económica, tanto na formación, como nas prácticas, equivalente ó 75% do IPREM, o que supón uns 400 euros ó mes.
Un novo esforzo para reducir o paro
Este proxecto súmase a outras actuacións coas que a Deputación reduce o paro na provincia, e que en total supoñen un investimento que se achega ós 12 millóns de euros. É o caso do Plan Lugo Emprega, a través do que 711 desempregados accederán a un posto de traballo durante seis meses, desempeñando labores de mantemento de servizos municipais. Neste caso, o presuposto é de 8 millóns, que non incrementan a débeda pública da entidade provincial, dado que a iniciativa está financiada con fondo propios.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
