Nota de prensa
O PP, comprometido en recuperar as axudas económicas ás ANPAs.
Potenciará actividades de técnicas de estudio e prevención do absentismo escolar .
Os populares potenciarán a conciliación da vida familiar e laboral colaborando coas ANPAs.
Burela, 18 de abril de 2011.- O Partido Popular de Burela afirmou hoxe que o seu compromiso coas asociacións de nais e pais de alumnos (ANPAs) pasa por recuperar as axudas económicas para que poidan desenvolver esas actividades, e tamén establecer máis actividades que poidan chegar a unha plena concialición da vida laboral e familiar.
O PP mantivo unha reunión a semana pasada con representantes das ANPAs dos CEIPs “Vista Alegre” e “Virxe do Carme”.
Os populares, que lembraron que o seu compromiso co ensino público quedou de manifesto durante a súa etapa de goberno municipal, entre outros exemplos, na contratación de auxiliares de comedor escolar ou de aportación de actividades para as xornadas continuadas, como a incorporación da Aula de Educación Ambietal GAIA ás actividades dos centros, afirmaron que a recuperación da aportación económica municipal para as ANPAs é fundamental para o seu funcionamento.
Pero os populares queren avanzar na conciliación da vida familiar e laboral e a través da colaboración coas ANPAs. E queren facelo potenciando as actividades extraescolares das xornadas de tarde nos centros de ensino, e ademais organizando actividades para os períodos vacacionais e mesmo para os sábados.
Os populares tamén consideran importante a organización de cursos e charlas sobre técnicas de estudio e prevención do absentismo escolar, estas últimas destinadas fundamentalmente ós pais, nais e alumnado de Primaria e primeiro ciclo da ESO.
Finalmente, o PP lembrou que o bipartito retiroulles ás ANPAs as aportacións económicas que tiña establecidas o goberno municipal do PP, o que foi nefasto para as actividades que organizan as asociacións. Os populares consideran que vir agora, como está facendo o bipartito, ofrecendo seiscentos euros para unha excursión, o único que demostra é o nerviosismo de quen se negou a colaborar durante anos e quere lavar a cara a un mes das eleccións.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
