Nota de prensa
Os nacionalistas presentan candidaturas nos 17 Concellos da Mariña.
O BNG aspira a converter os Concellos como fortíns fronte a crise.
O conxunto dos cabezas de lista do Bloque Nacionalista Galego compareceron na xornada de hoxe na Casa da Cultura de Foz a fin de dar a coñecer das conclusións da sesión de traballo que mantiveron os membros da cadidatura nacionalista ao longo do día e explicar as propostas mestres da alternativa nacionalista no ámbito comarcal.Segundo afirmou, o Portavoz Comarcal do BNG, Antonio Veiga, “non hai Concello da Mariña, desde Vicedo a Ribadeo e desde Muras até A Pontenova, así como no Partido Xudicial de Mondoñedo onde o BNG non presente candidatura. Son máis de 250 persoas as que fan parte das nosas listas e estamos certos que non vai haber Corporación da Comarca onde o nacionalismo non vai estar presente após as elección do 22 de Maio. Estamos certos de que non só imos manter os gobernos dos que actualmente participamos, senón que imos mellorar de xeito substancial os nosos resultados no conxunto da Mariña até o punto de que o BNG vai ser un factor decisivo para o cambio político naqueles outros Concellos da nosa Comarca”.
Veiga, que indicou que xa presentarán as candidaturas diante da Xunta Electoral de Zona, aclarou que “ a aposta do nacionalismo nos actuais comicios é clara, aspiramos a converter aos concellos en bastións contra a crise. Isto é a nosa proposta xira en favorecer a creación de emprego e o desenvolvemento económico, mellorar o benestar social e promover a democratización dos entes locais. Non é certo que os Concellos non teñan nada que facer na loita contra a crise, todo o contrario, implementar políticas que favorezan a quen máis o precisa, entender ao sector público como elemento central na dinamización económica ou operar sobre a demanda agregada para estimular o consumo e por conseguinte a capacidade de compra dos cidadáns só requiren de vontade política para executarse”.” Máis problemático aínda que a crise é a xestión que da mesma se está facer por parte de socialistas e populares no ámbito local, con políticas de recortes de servicios sociais para os veciños, de aumento dunha fiscalidade indirecta a medio de taxas ou de contención do gasto naqueles aspectos que si que poden favorecer o crecemento económico a medio de dinamizar o consumo que contrasta co derroche en aspectos superfluos, como pode ser o protocolo” afirmou Veiga quen declarou que “o BNG presentase como a alternativa para aqueles que están a sufrir a crise, para esa grande maioría social que se atopan en situación de desemprego, que viron os seus salarios recortados ou conxelados, os que foron despedidos con vinte días por ano traballado, que tiveron que fechar os seus negocios, eses son os destinatarios da proposta do nacionalismo e non aqueles outros que a provocaron e que se están a beneficiar dela”.
Os nacionalistas destacaron que “ a situación económica obríganos a non adiar máis o debate tan necesario sobre un novo modelo administrativo que necesariamente debese asentar na cooperación entre o conxunto dos Concellos da comarca, primeiramente para mancomunar servicios e tamén alternativas no plano do desenvolvemento económico e noutro plano a que os Concellos non miren de reollo ao do lado,pola contra que se entendan para sumar sinerxías posto que o veciño do lado nunca é o inimigo. Neste sentido consideramos central impulsar un Instituto de Crédito Mariñao que se forneza nun primeiro momento con fundos aportados polos diferentes Concellos, contributos da obras sociais das caixas e aportacións de sociedades de capital risco a fin de garantir que a liquidez chegue a autónomos e Pemes da comarca”.
“A nosa experiencia no goberno de vilas e concellos medios e rurais da Comarca demostrou nestes últimos catro anos que non só outra política é posíbel senón que necesaria para mellorar a calidade de vida dos nosos veciños. Pero tamén se presentou como fundamental a nosa presencia na oposición, posto que só naquelas corporacións onde houbo representación do BNG as reivindicacións dos veciños e a defensa do interese xeral estivo presente” aclarou Veiga quen rematou referíndose a boa “recepción que as nosas propostas están a ter entre os veciños da comarca, como demostra o grande número de persoas que fomos quen de mobilizar para conformar as nosas candidaturas, nun momento no que se pretende asentar a resignación como principio de actuación entre os cidadáns e que se está a criminalizar a política como xeito de participación social “.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
