Nota de prensa:
O CONCELLO MELLORA ESTES DÍAS A REDE DE SANEAMENTO EN VARIAS PARROQUIAS E TAMÉN ESTRADAS DE ACCESO ÁS VIVENDAS SOCIAIS. O IMPORTE TOTAL DOS TRABALLOS, SEGUNDO ALFONSO FUENTE, ASCENDE A 94.000 EUROS.
Barreiros, 8 de setembro de 2011. O Concello acomete estes días varias obras para levar adiante a ampliación da rede de saneamento e para mellorar o estado dalgunhas estradas. O importe dos traballos ascende a 94.000 euros, segundo daba a coñecer na mañá de hoxe o alcalde de Barreiros, Alfonso Fuente Parga.
O rexedor explicou que “desde hai uns días en Barreiros se ven acometendo unha obra que é a da ampliación da rede de saneamento na zona da Picota na parroquia de Benquerencia. E posiblemente no día de mañá se inicie tamén unha ampliación da rede de saneamento no barrio de Casaldeite en San Miguel de Reinante”.
Fuente Parga sinalou que “ao mesmo tempo dentro duns días se iniciarán os traballos de asfaltado da estrada arredor das vivendas sociais de San Cosme así como da estrada de acceso ás novas vivendas sociais. Son deses traballos que se van realizando pouco a pouco, ampliando a rede de saneamento e mellorando os viais”. O Concello de Barreiros “está á espera de que o Ministerio de Medio Rural libere ese 70% que tiña retido do PEIM do ano anterior para que así a Consellería de Medio Rural poida ampliar ese plan para acometer melloras en camiños rurais, tal e como vimos facendo todos os anos”, manifestou o rexedor barreirense.
O custe das obras de ampliación do saneamento na Picota e Casaldeite ascende a 45.000 euros e os traballos de arranxo das estradas nas vellas e nas novas vivendas sociais suporán un custe de 49.000 euros.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
