A OBRA SOCIAL DA CAIXA DESAPARECERA
Saeu nos papeis fai unha semana “ Os responsables da Obra Social de Novacaixagalicia trasladaron este xoves aos sindicatos que, coa participación que ten actualmente a caixa no banco, o seu labor é “inviable” e que, mesmo alcanzando o 15% previsto, sería complicado mantela como ata o momento.”
Sen embargo non foi o 15%, foi menos da metade a valoración do que Novacaixagalicia ten no acionariado do novo banco.
Representantes da CIG e CC.OO indicaron que no encontro, ao que asistiu o director da Obra Social, Guillermo Brea, entre outros responsables, informóuselles de que se a caixa non logra ese 15% a acción social será “inviable”, polo que “desaparecerá” tal como se coñece ata agora e pasaría a un modelo máis reducido, o que implicaría despedimentos.
Deducimos pois que ademais de despedimentos moitas seccións da obra social terán que pechar as súas portas ou a Xunta, que tamén anda podre co tema do diñeiro se faga cargo das mesmas.
A Obra Social, Centros de xubilados, museos, casa de cultura, edicións, axudas e xestións en xeriátricos, feiras festas e mercados que xestiona a caixa tras a creación de NCG Banco, conta con 335 traballadores, que podería reducirse ao 10% si é que continua dita obra social.
O peche non será inmediato, ao parecer Brea explicou que este apartado da caixa ten un remanente de 90 millóns, co que “pode “ir tirando”. En canto ao patrimonio que posúe a caixa, dixo que, polo momento, non está previsto que se produzan vendas. En calquera caso, indicou que están a elaborar un plan de viabilidade que será presentado aos sindicatos.
O escenario actual, é que a caixa controla o 6,84%, mentres que o resto está en mans do FROB. A acción social financiarase cos beneficios do banco que correspondan á caixa pola súa participación.
Claro está que si o pobo e a xustiza espabilan e exixen a devolución dos máis de 40 millóns de euros que os xefazos se levaron e si Mauro Varela e Julio Fernández Ganoso se ven obrigados a devolver o que cobran cada mes como conselleiros do novo banco en nome da caixa a cousa podería aguantarse algo máis.
Pero a realidade é teimuda e as ultimas noticias din que a través da Fundación, paga un chofer e a seguridade ao ex director xeral de Caixa Galicia, José Luis Méndez, que figura como presidente, precisamente, desa Fundación.
Xa o dicía meu avó “Ladróns e xentes de mal vivir con garavata , hainos a esgallo”.
Otero Regal
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
