Nota de prensa
Fomento perdeu unha oportunidade de ouro para converter en realidade esta vella aspiración dos veciños da Mariña e do conxunto da provincia
Blanco fixo oídos xordos ás reiteradas peticións das institucións galegas para crear a Autoridade Portuaria lucense
O candidato socialista desprezou os acordos promovidos no Parlamento galego, concellos e Deputación de Lugo.
Os populares sospeitan que nin tan sequera o Ministro negociou con Alcoa a posibilidade de facer uso do dique norte de Morás.
Cargos públicos do PP asumen o seu compromiso de defender esta reivindicación conscientes de que podería converterse na verdadeira locomotora que impulse a economía e o emprego da Mariña
Insisten en que só Fomento pode adoptar decisións respecto da creación da autoridade portuaria que conta co visto e prace favorable da Xunta.
A Mariña lucense, 29 de outubro de 2011.- O candidato mariñán do Partido Popular ao Congreso dos Deputados, Jaime de Olano, acompañado polos parlamentarios autonómicos e deputados provinciais do PP e dos alcaldes dos concellos de Xove e Cervo acusou está mañá ao Ministro de Fomento, José Blanco, de facer “oídos xordos” ás reiteradas peticións das institucións galegas para crear a Autoridade Portuaria lucense. Segundo explicou Jaime de Olano o candidato socialista “desprezou” todos e cada un dos acordos promovidos tanto no Parlamento de Galicia, como nos concellos e na Deputación de Lugo instando ao Executivo central a cumprir con esta reivindicación. “José Blanco nin tan sequera escoitou a voz dos seus veciños -aos que agora non terá problema en pedir o voto-, nin cumpriu coas institucións da súa terra, pese a que cada un destes acordos acadaron, no seu día, o apoio unánime de todos os partidos e axentes sociais da Mariña”.
BOICOT AS NEGOCIACIÓNS CON ALCOA
Jaime de Olano verbaliza tamén o que, segundo afirma, “é máis que unha sospeita”, isto é, que incluso o propio ministro de Fomento pese nin tan sequera iniciou as negociacións oportunas coa empresa Alcoa para acordar a posibilidade de facer uso do dique norte de Morás -actualmente unha concesión exclusiva da multinacional do aluminio- e empregalo como novo porto de mercadorías.
O candidato socialista “moitas veces dado a facer gala da súa concesión de lucense”, tería “boicoteado” desde a súa privilexiada posición como ministro de Fomento esta posibilidade e, polo tanto, “perdeu unha oportunidade de ouro para facer realidade esta vella aspiración dos seus veciños”.
FEITOS E COMPROMISO POPULAR
En contraposición co desprezo amosado polos socialistas lucenses, Jaime de Olano explicou que o PP sempre defendeu esta petición. “Así o fixo cando un Goberno popular, o que daquela presidía Jose María Aznar creo a provincia marítima de Lugo e así o está a facer o actual Executivo autonómico, liderado por Alberto Núñez Feijóo, cando non só amosou a súa boa disposición á creación desta autoridade portuaria lucense, senón que incluso sufragou con fondos autonómicos o informe elaborado por Portos de Galicia que acredita a viabilidade técnica e económica de cerar o novo porto comercial empregando o dique de Morás”
Os cargos públicos populares “reiteran” o seu compromiso de defender esta reivindicación conscientes ademais de que tanto a autoridade portuaria como o novo porto comercial “poderían converterse na verdadeira locomotora que impulse a economía e o emprego da comarca mariñá, algo ao que non podemos nin queremos renunciar sobre todo nestes tempos de crise.”
COMPETENCIA DE FOMENTO
Finalmente, Jaime de Olano quixo “desenmascarar a confusión interesada que realiza o BNG na Mariña” e aclarar que “a única administración competente para crear a autoridade portuaria lucense e acadar a apertura do dique norte de Alcoa é o Ministerio de Fomento e, polo tanto, o goberno central”.
Nesta mesma liña condenou a postura “terxiversadora” dos nacionalistas que agora pretenden modificar a composición do actual consello de administración da autoridade portuaria Ferrol-San Ciprián aínda que “saben ben que este reparto está determinado por unha lei estatal na que a Xunta non é competente”
Jaime de Olano fixo un chamamento ao BNG para que “se deixe de polémicas estériles e sume forzas” para facer realidade a autoridade portuaria lucense aínda que amosou o seu “temor” a que detrás da posición pública dos “nacionalistas tan só exista electoralismo”. Nese senso lembrou que, a diferenza dos “feitos” que acreditan o compromiso dos populares coa autoridade portuaria, o BNG cando gobernou “non só non impulsou ningún tipo de iniciativa favorable, senón incluso anulou o cinto industrial Cervo-Xove que supón reservar o terreo necesario para que futuras empresas poidan instalarse e facer uso do futuro porto comercial de Morás”
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
