Nota de prensa
ANTONIO VEIGA PARTICIPOU NA PRESENTACIÓN DO 1º TORNEO DE NADAL EN PISTA RÁPIDA DO CLUB DE TENIS DE FOZ
Antonio Veiga afirmou que estes eventos, “ademais da súa repercusión deportiva e de promoción do tenis, aportan un beneficio económico ao sector turístico e hostaleiro ao atraer visitantes á Mariña”
Do 16 ao 18 de decembro xogadores de entre os 35 mellores de España e 200 do mundo competirán no pavillón dos Castros de Cangas de Foz, onde o 18 tamén haberá un clínic
LUGO, 7 de decembro de 2011. O vicepresidente da Deputación de Lugo e responsábel da Área de Benestar Social e Deporte, o nacionalista Antonio Veiga, participou esta tarde no Centro Cívico de Cangas na presentación do 1º Torneo de Nadal en Pista Rápida do Club de Tenis de Foz, que se disputará a fin de semana do 16 ao 18 de decembro no pavillón dos Castros de Cangas de Foz, onde simultaneamente se desenvolverá un clínic aproveitando a presenza de xogadores situados entre os 35 mellores clasificados do ránking español e 200 do mundo. Na presentación tamén participaron Javier Jorge Castiñeira, alcalde de Foz; Ramón Rodriguez Paleo, presidente do C.T. Foz; Xosé. R. Veiga Alonso, directivo do C.T. Foz, e Jesús Casabella López, presidente A.A.V.V. Cangas – Foz.
Antonio Veiga afirmou que estes eventos, “ademais da súa repercusión deportiva e de promoción do tenis, aportan un beneficio económico ao sector turístico e hostaleiro ao atraer visitantes á Mariña”. Ademais, Veiga sinalou que o Club de Tenis de Foz tamén realiza un intenso traballo de base, proporcionando aos nenos e nenas da Mariña a oportunidade de practicar un deporte como o tenis.
Roberto Menéndez (27 no ránking español), Jorge Hernando Ruanos (30) ou Miguel Casal Arantes, campión galego (33) son varios dos xogadores que disputarán este torneo, a competición desenvolverase da seguinte forma: Venres 16; 4 partidos a partir das 15,00 horas. Sábado 17: 2 partidos a partir das 11,00 horas e 2 partidos a partir das 17,00 horas. Domingo 18: Clínic de 10,00 a 12,00 horas, 1 partido ás 12,00 horas e a final ás 18,00 horas.
Haberá un total en premios de 1.500 € repartidos entre:
Campión: 800 € + Trofeo
Finalista: 400 € + Trofeo
Semifinalista: 200 €
Cuarto finalista: 100 €
Octavofinalista: 50€
O prezo das entradas ao torneo serán para o abono de 3 días: 7 euros; Entrada Diaria: 5 euros e os menores de 8 anos teñen a entrada gratuíta As entradas poderán adquirirse anticipadamente en distintos establecementos de A Mariña: Cafetería Centro Cívico Cangas, Deportes Élide, Deportes Docobo, Living Sport, Cafetería Vista Alegre.
O clínic
Aproveitando a presenza no torneo de grandes raquetas, dentro do mesmo organízase un clínic orientado a xogadores de todos os niveis dende a iniciación ata o rendemento deportivo. Levarase a cabo no pavillón dos Castros e serán os cabezas de serie do mesmo os encargados de impartilo. Ademais, o club organizador vai a levar a cabo nos colexios da Mariña unha campaña de promoción e difusión do tenis, con charlas, proxeccións e conferencias impartidas polos adestradores de base do club, encamiñadas á promoción, ao coñecemento deste deporte e á súa mellora.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
