Rematou Liga de Bolos de Xove tras 18 competicións na tempada polas parroquias do concello

Nota de prensa

XXIIIª TIRADA DE BOLOS – XIIª SUB 16 –  IIIª LIGA FEMININA

(TEMPORADA  2011/2012)

Organiza:    Concellería de Cultura do Concello de Xove

Colaboran: IES Illa de Sarón de Xove

INCIDENCIAS DA 18ª  TIRADA

(CENTRO SOCIAL DE SUMOAS – Sábado, 17 de marzo de 2012)

REMATOU A XXIIIª EDICIÓN DA LIGA DE BOLOS DE XOVE

Tarde fria e chuviosa. Campo moi mollado, que dificultou as tiradas.

Liga Senior Masculina.- A victoria de Jose Vigo permítelle facerse coa terceira posición do podium, relevando a César Cancelos á quinta posición. Este dato foi o máis interesante da xornada, xa que José Rafael González non puido sacarlle a segunda posición no podium a Francisco Pérez, quen incluso aumentou a súa vantaxe, sendo o único xogador, xunto co campión Arturo Vigo que conseguiu chegar aos 100 puntos. A mellor bolada de todo o campionato, que ata esta tirada estaba empatada entre Sócrates Campo e Félix Méndez con 94 tantos, tivo finalmente que ser desempatada entre émbolos dous xogadores, quedando finalmente en mans de Sócrates Campo, o que o fixo acreedor a trofeo e premio de 50 euros.

Pola súa banda, Modesto Albo, que ten 82 e vai para 83 anos, recibiu un ano máis o trofeo ao xogador máis veterano.

Liga Senior Feminina.- Tampouco houbo finalmente sorpresas nesta categoría, xa que Carmen Roca, Belén Meitín e Dolores Baño  manteñen as súas posicións de privilexio.  Nesta categoría tiñan premio e trofeo as cinco primeiras clasificadas; neste sentido, Marisa Casabella con 19 puntos superou finalmente a Carmen Martínez (16 puntos), facéndose acreedora a esa quinta e última praza que daba acceso aos premios e trofeos.

A vencedora Carmen Roca, que consigue o seu segundo entorchado nesta categoría (xa foi campiona na temporada 2009-2010), tamén se fixo coa mellor bolada con 62 tantos.

Liga Sub 16.- A campiona Salomé Cardoso volveu a demotrar quen realmente dominou a competición nesta temporada e non lle deu opción a ningún dos seus rivais. Pero o interesante nesta xornada estaba en ver quen se facía coa segunda praza, si Daniel López ou ben Isaias Cardoso, os dous empatados a puntos antes desta última xornada. Finalmente foi Isaias Cardoso quen se fixo con esa segunda prezada posición, superando por dous puntos a Daniel López na clasificación final.

A entrega de Premios e Trofeos estivo presidida polo Alcalde Demetrio Salgueiro.