A ASOCIACIÓN CULTURAL E DEPORTIVA “PENALBA-COLECTIVO CHILINDRÍN” TEN A HONRA DE ANUNCIAR A CELEBRACIÓN DO VII FESTIVAL ARREAOCABO 2012. SON XA 7 ANOS DE HISTORIA DUN FESTIVAL QUE COMEZOU COA ILUSIÓN DUNS RAPACES DE CELEIRO, DE CONTAR COAS MELLORES BANDAS DE ROCK DO PANORAMA GALEGO E ESTATAL NO SEU POBO. O OBXETIVO CUMPRIUSE E O FESTIVAL ARREAOCABO, ATÓPASE TOTALMENTE CONSOLIDADO NO NORTE DE GALICIA, COMO UN DOS REFERENTES NO VERÁN GALEGO. O ÉXITO NA ORGANIZACIÓN DO EVENTO, ASÍ COMO NA PARTICIPACIÓN DE PÚBLICO NOS ÚLTIMOS ANOS, CONSOLIDAN UN PROXECTO DA ACD PENALBA-COLECTIVO CHILINDRÍN, ASOCIACIÓN SEN ÁNIMO DE LUCRO, QUE SÓ TEN POR OBXETIVO FACER DISFRUTAR A XENTE DE CELEIRO, VIVEIRO E DO NOSO ENTORNO DUNHA NOITE DE BOA MÚSICA SOBRE O ESCENARIO DO PARQUE DE LAVANDEIRAS.
OS SEGUIDORES DO ARREAOCABO MERECÍAN COMO NON PODÍA SER DOUTRA MANEIRA, QUE LOGO DE SETE ANOS, A MELLOR BANDA DE ROCK GALEGO DE TODA A HISTORIA ESTIVESE ACTUANDO NO FESTIVAL. POR ISO ESTE ANO O SÁBADO 21 DE XULLO DE 2012 NA EXPLANADA DE LAVANDEIRAS EN CELEIRO, A ORGANIZACIÓN FAI UN ENORME ESFORZO E A CABEZA DE CARTEL DO FESTIVAL SERÁ A MÍTICA BANDA GALEGA “HEREDEIROS DA CRUS”, NA SÚA XIRA 20 ANIVERSARIO, CO ÚNICO CONCERTO CONFIRMADO NA PROVINCIA DE LUGO, A ELES SE SUMARÁN EN BREVE PRAZO DE TEMPO OUTRAS TRES BANDAS PENDENTES DE CONFIRMACIÓN, QUE COMPLETARÁN O CARTEL DESTA SÉPTIMA EDICIÓN.
O VII FESTIVAL ARREAOCABO, CONTARÁ COMA EN ANOS ANTERIORES, CON AMPLIA ZONA DE APARCAMENTO, ZONA DE ACAMPADA GRATUITA E ZONA DE MERCADO. AS PORTAS ABRIRANSE ÁS 21 HORAS E O INICIO DAS ACTUACIÓNS SERÁ ÁS 22 HORAS DO SÁBADO 21 DE XULLO DE 2012.
A ENTRADA AO RECINTO, QUE CONTARÁ CON AFORO LIMITADO, SERÁ EN VENTA ANTICIPADA A 10€, E EN TAQUILLA O MESMO DÍA DO FESTIVAL A 15€. A VENTA ANTICIPADA REALIZARASE A PARTIR DE MAÑÁ XOVES 3 DE MAIO, A TRAVÉS DA REDE DE VENTA DE TICKETMASTER, NA WEB WWW.TICKETMASTER.COM, E NOS ESTABLECEMENTOS CARREFOUR, EN FNAC, E NAS OFICINAS DE HALCÓN VIAJES. ADEMAIS PÓDE REALIZARSE POR TELÉFONO NO NÚMERO 902150025, OU A TRAVÉS DA TAQUILLA ONLINE DE NOVAGALICIA BANCO.
EN CELEIRO, A 2 DE MAIO DE 2012
+info festival:
www.facebook.com/festivalarreaocabo
www.myspace.com/festivalarreaocabo
www.festivalarreaocabo.com Activa en breve.
www.heredeirosdacrus.com
BIOGRAFÍA HEREDEIROS DA CRUS
Francisco Javier Vazquez Maneiro “Javieriño” – Jarjanta (voz)
Antonio Novo Suárez “Tuchiño” – Tumba brajas solista (guitarra solista)
Antonio Ageitos Ares “Toñito de Poi” – Sachadora ritmica (guitarra rítmica)
Francisco Javier Velo Cambeiro “O Jran Fran Velo” – Brajista (baixo)
Heredeiros da Crus nacen en Castiñeiras, en Ribeira (A Coruña) en 1992. Logo duns primeiros ensaios nun galiñeiro de Poi, ese mesmo ano ofrecen o seu primeiro concerto na mítica Festa da Dorna. En 1994 publican o seu primeiro disco, ‘A Cuadrilla de Pepa a Loba’, un álbume que marcou un antes e despois na historia do rock en galego e no que se inclúen himnos como ‘Quero josar’ ou ‘O fillo de José’. Beni, alias ‘o fillo de Ampartio’ era o batería nesta formación inicial, un posto que logo ocuparon Pepe Santamaría (entre 1995 e 1999), Marcos Otero (no directo All right Chicago), Pedro Rodríguez alias ‘Trelles’ (no disco Chicarrón) e Manu para a xira de 2012.
As letras descaradas e divertidas, as guitarras poderosas, o falar natural, con gheada e seseo, e a actitude provocadora e irreverente, fixeron dos Heredeiros todo un símbolo para milleiros de galegos e galegas dos anos 90 famentos de música e cultura coa que identificarse
Logo de converterse nun dos grupos insgina do Xabarín Club –o mítico programa infantil da TVG para o que gravaron temas e videoclips hoxe históricos como Que jallo é ou Íscalle Lura –, e de ofrecer ducias de concertos sempre memorables (e normalmente polémicos) por toda Galicia e parte do estranxeiro (chegaron a actuar en Londres e Nova York), en 1996 edítase o segundo disco de Heredeiros da Crus: Está que te cajas!!, con temas emblemáticos como ‘O teu fillo fuma porros’, a melancólica ‘A chaqueta de lana’ ou Frenaso no calsonsillo’, unha peza na que colabora o mesmísimo Rosendo Mercado.
En 1997 os Heredeiros publican dous traballos: ‘Criatura’, un EP de cinco temas (entre eles, outro himno: ‘Non quero nada de ti’) e ‘Des Minutos’, no que empezan a versionar cunha exitosa versión do ‘My Sharona’, que eles titularon ‘Vaiche boa’. O seguinte álbume publicouse dous anos despois, en 1999, baixo o título ‘Erecsiones munisipales’: un disco que por primeira vez conta con outros instrumentos e sonoridades como os metais nalgunhas pezas.
Un ano despois, en 2000, Heredeiros da Crus publican o seu sexto disco, un dobre álbume gravado en directo, titulado ‘All right Chicago” (que converteu a Heredeiros na primeira banda galega en editar un disco en directo), no que se pode apreciar a potencia do grupo de riba dos escenarios, un lugar onde todo é posible: disfraces, improvisacións, lanzamento de obxectos, colaboracións do público, mesmo stripteases…
Logo de catro nos que, entre outros proxectos, editaron un disco de versións baixo o nome de ‘Recambios Tucho’ (2001), en 2004 publicaron o seu sétimo (e último) disco como Heredeiros da Crus: ‘Chicarrón’, un traballo con sons máis pausados que incluía un dvd con material extra (unha iniciativa tamén pioneira na música en galego ).
En 2005, o grupo retírase dos escenarios e cada un dos heredeiros inicia os seus propios proxectos musicais: Javi funda o grupo Jabon Blue coa colaboración de Tucho (unha formación de rock contudente que xa vai camiño do seu cuarto disco), Tonhito fai o mesmo con A Banda de Poi (un vangardista proxecto galaico-portugués), Fran participa na banda acústica Mustang…
En 2012, cando se cumpren 20 anos daquel primeiro concerto na Dorna, os Heredeiros da Crus, os máis jrandes, volven aos escenarios para dalo todo.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
