OS SOCIALISTAS DE CERVO SOLICITAN A REVISIÓN DOS EXPEDIENTES DE AXUDA A DOMICILIO TRAS VARIAS DENUNCIAS VECIÑAIS
-Segundo estes veciños, “existen persoas que non viven a diario no concello e que están a recibir este tipo de asistencia, mentres que son moitos os residentes habituais que agardan por ser atendidos”
-Dende o GMS din que “de ser certas as afirmacións, non podemos consentir que se siga actuando así, o goberno debería facer un seguemento para evitar estas situacións anormais”.
CERVO, 3 DE MAIO. O Grupo Municipal Socialista de Cervo ven de solicitar mediante escrito a revisión dos expedientes de Axuda a domicilio e alertou ó concello de certa información recibida por parte dalgúns veciños que “aseguran que persoas que non viven de forma habitual no municipio están a recibir os servizos deste programa”.
Os socialistas subliñan que “son varios os cervenses que nos advertiron do caso concreto dunha veciña que parece ser que vive de forma habitual no concello de Foz cun fillo e que ó ter vivenda no noso municipio, está recibindo este tipo de asistencia de forma periódica para a limpeza da casa”.
Os membros do Grupo Socialista, tras pedir acceso ó expediente, entenden que “de ser certas as afirmacións dos veciños, non podemos consentir que persoas que non viven no concello reciban este tipo de axuda, cando moitos residentes habituais están esperando por estes servizos e incluso algún deles lamentablemente falece sen recibir unha soa hora de asistencia. O goberno de Cervo ten a obriga de informar a esta persoa das xestións oportunas que debería facer para recibir axuda do Concello onde reside a diario”.
Esixen que o alcalde e o equipo de goberno de Cervo “se poñan ó día neste tema, revisen toda a documentación que manexan e fagan un traballo rigoroso á hora de destinar os recursos, cada vez máis excasos. Estes servizos deben dirixirse a persoas que sí viven en Cervo e que necesitan de forma máis urxente as axudas”.
Remitido
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
