O BNG PÍDELLE AO GOBERNO DE BARREIROS QUE REVISE O COBRO QUE ESTÁ A FACER DA TAXA DE SANEAMENTO. OS NACIONALISTAS ASEGURAN QUE HAI ZONAS QUE NON CONTAN CON ESTE SERVIZO E AOS VECIÑOS LLES ESTÁN A PASAR O RECIBO IGUAL.
Barreiros, 3 de maio de 2012. Os nacionalistas advírtenlles aos veciños a ás veciñas de que revisen os recibos da auga para ver se o Concello lles está a cobrar polo servizo que presta, xa que se teñen detectado cobros da taxa de saneamento en zonas onde se carece del.
O BNG tivo coñecemento nos últimos días de que se están a producir erros no cobro dos recibos da auga correspondentes aos primeiros meses deste ano 2012, “nestes recibos o Concello aplica a suba das taxas de auga e saneamento que aprobou o Partido Popular a finais do ano pasado, o que supón un incremento no recibo que pode superar o 60% segundo os casos”. No seu momento, o BNG xa se posicionou “en contra desta suba, por entendela desproporcionada e perxudicial para o conxunto das e dos barreirenses, aos que se está cargando de taxas e impostos para tapar a mala xestión feita polo goberno municipal.”
Ademais, o BNG insiste en que “o servizo de abastecemento de auga que presta o Concello de Barreiros debe mellorarse moito, xa que desde hai tempo cada vez que hai choivas, a auga das billas sae turbia e, polo tanto, non pode ser consumida polas veciñas e veciños. No BNG entendemos que se se está a cobrar por un servizo e se está a subir o seu prezo, o mínimo é que ese servizo poida ser utilizado pola poboación sen ningún impedimento”.
Nestas facturas, que as veciñas e veciños non reciben físicamente, senón que se fan efectivas directamente co cargo bancario inclúese unha nova taxa en concepto de saneamento por un importe de 5 euros. Desde o BNG advirten de que xa tiveron coñecemento de que “esta cantidade se está a cobrar a xente de zonas do concello nas que non hai saneamento, polo que esas persoas non teñen porque asumir o coste dun servizo que non está a recibir.”
O Bloque Nacionalista Galego cre que “este feito responde ao extremo afán recaudatorio do goberno barreirense para tentar paliar a nefasta situación económica que sofre o Concello derivada da mala xestión que se estivo a facer dos fondos públicos durante estes anos”.
Remitido
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
