MARIO COTO ESTÁ PREOCUPADO POLO FUNCIONAMENTO DO BAIXO ALCANTARILLADO DE PORCILLÁN. A DIRECTIVA AGARDA QUE OS PROBLEMAS QUE SE OCASIONAN EN DÍAS DE CHUVIAS INTENSAS SE SOLUCIONEN CANTO ANTES.
Ribadeo, 14 de xuño de 2012. O presidente do Real Club Náutico de Ribadeo, Mario Coto, está preocupado polo funcionamento do baixo alcantarillado de Porcillán. A actual directiva agarda que os problemas que se ocasionan cando chove moito se solucionen canto antes.
Coto referíuse ás declaracións efectuadas hai uns días polo concelleiro de Medio Ambiente, Horacio Cupeiro, nas que éste pedía á poboación que non botase polos retretes plásticos, trapos ou produtos de hixiene femenina, para evitar que todos eses desperdicios aparezan a flote no porto deportivo en días de chuvias intensas cando se levantan as tapas do alcantarillado e deixan todo feito un desastre. O presidente do RNCR dixo que “parécenos axeitada a recomendación que facía hai uns días o concelleiro de Medio Ambiente de Ribadeo, Horacio Cupeiro, para ver si sensibilizamos á poboación. Temos un problema no baixo alcantarillado en Porcillán que lle afecta ao porto deportivo de Ribadeo, porque toda esa escorrentía cae dentro da nosa dársena”.
Mario Coto asegurou que ambos e o alcalde falaron dese asunto a semana pasada durante a visita cursada a Ribadeo polo presidente de Portos de Galicia, “a semana pasada estivemos a falar dese tema, que eu sei que é peliagudo e problemático porque o separativo de fluviais e fecais aínda non está ao cen por cen operativo, e cando se produce unha escorrentía importante de auga sálenos alí. Sei que o alcalde e o concelleiro están preocupados por este asunto e nós desde o Real Club Náutico de Ribadeo tamén, porque de momento non pasou nada coas bandeiras azuis, pero non queremos que esto siga a suceder”. O presidente do Real Club Náutico de Ribadeo lembrou que “desde que está esta directiva xa se modificou o aliviadero que temos alí e o colector, pero o resto non. Hai boa vontade por parte de todos desde a administración local ata Portos de Galicia, que aínda que non ten nada que ver nisto si nos pode botar unha man así o vai facer. É un mal que temos aí, pero agardamos que se solucione canto antes”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
