O conselleiro de Economía e Industria visita a fábrica de Sargadelos
-O alcalde de Cervo, Alfonso Villares, agradeceulle a Javier Guerra o seu compromiso coa factoría
Cervo, 11 de xullo de 2012-O conselleiro de Economía e Industria, Javier Guerra, achegouse este mércores ata o municipio de Cervo para visitar a fábrica de Sargadelos e reiterar o compromiso da Xunta co tecido industrial e empresarial de Galicia. Un acto ao que tamén acudiron o alcalde de Cervo, Alfonso Villares e a delegada da Xunta en Lugo, Raquel Arias.
A Consellería fixera unha grande achega económica na factoría de cerámica, investindo un millón de euros co obxectivo de apoiar o seu desenvolvemento e a súa expansión comercial ao mesmo tempo que se apostaba polo mantemento dos postos de traballo tentando garantir a súa continuidade.
O alcalde, Alfonso Villares, aproveitou a visita de Guerra para agradecerlle “a preocupación e a implicación do goberno da Xunta con Sargadelos, unha industria cun peso específico na comarca da Mariña, e que viviu un impulso despois do apoio da Consellería e do seu titular, Javier Guerra”. Segundo o rexedor, “Sargadelos, non é unha empresa convencional, senón que é unha fábrica histórica cunha forte compoñente identitaria, e un referente cultural en toda Galicia” e por iso “apoios como o prestado pola Xunta son dignos de eloxio” remata Villares.
ECONOMÍA E INDUSTRIA RESPALDA O MANTEMENTO DO EMPREGO EN SARGADELOS CO IMPULSO AO SEU PLAN DE EXPANSIÓN COMERCIAL
O conselleiro Javier Guerra visitou hoxe a planta lucense, que a Xunta leva apoiado con máis de 1.300.000 euros que lle teñen permitido incrementar a súa presenza nacional e internacional
Guerra destaca a estratexia exterior da empresa que puxo en marcha un departamento de internacionalización co apoio dun xestor de exportación facilitado polo Igape
Cervo (Lugo), 11 de xullo de 2012.- O conselleiro de Economía e Industria, Javier Guerra, destacou hoxe na súa visita á fábrica de cerámica de Sargadelos (Cervo) que o respaldo da Xunta ten permitido o mantemento do emprego na planta mariñá, apoiando o plan de expansión comercial da empresa con axudas que suman máis de 1.300.000 euros.
Guerra, que estivo acompañado pola delegada da Xunta en Lugo, Raquel Arias, salientou que o impulso da Consellería á estratexia exterior de Sargadelos impulsou a posta en marcha de novas accións comerciais e a activación dun departamento de internacionalización, grazas ao apoio dun xestor de exportación facilitado polo Igape, a través do cal se está estudando a apertura a novos mercados emerxentes.
Ademais, o acordo de colaboración entre Sargadelos e o Instituto Galego de Promoción Económica (Igape) permitiu a promoción a nivel nacional e internacional da artesanía e da cerámica galega.
O conselleiro recordou que Economía e Industria, que está a impulsar a transformación do tecido produtivo galego potenciando a mellora da competitividade, a innovación empresarial e a internacionalización, salientou que a Xunta presta apoio a empresas que están atravesando dificultades económicas e necesitan financiamento “sempre que os seus plans de viabilidade garantan o seu futuro”.
Neste sentido, o conselleiro lembrou que Sargadelos “é un emblema histórico no desenvolvemento industrial de Galicia” e supón “un importante motor económico para toda a zona” e asegurou que “pese ás actuais circunstancias económicas, parece que a empresa emprendeu xa o camiño para a súa recuperación e crecemento”. Algo para o que, como manifestou o conselleiro “contaron coa axuda da Xunta pero tamén é imprescindible o compromiso por parte dos propietarios”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
