O Concello de Lourenzá ve perigar as festas patronais do Conde Santo ao non continuar a comisión organizadora

O Concello de Lourenzá ve perigar as festas do Conde Santo ao non continuar a comisión organizadora

Festas Conde Santo 2012 – Lourenzá

Dende o Concello de Lourenzá, faise saber que a día de hoxe periga a celebración das Festas Patronais do “Conde Santo 2012”, posto que a comisión que se encargou da organización das mesmas neste último par de anos, renunciou a facelo nesta edición.

Tendo en conta as circunstancias económicas actuais, e que nos pasados meses vimos de elaborar un “plan de axuste económico”; así como que é o propio Concello o que asume a organización da “Festa da Faba” (festa, esta, declarada de Interese Turístico), é polo que non se podería asumir a celebración de máis festexos por parte da entidade municipal.

En calquer caso, ofrécese a máxima colaboración (como se vén facendo cada ano), no caso de que algún grupo de persoas particulares, ou outro tipo de entidades, como poden ser as distintas asociacións que hai en Lourenzá, se decidisen a conformar unha Comisión para celebrar as nosas festas patronais; para o cal lles pedimos que non dubiden en poñerse en contacto co Concello.