CARMEN PARDO ASINOU HOXE EN BARREIROS UN CONVENIO PARA A PROMOCIÓN TURÍSTICA DO XEODESTINO A MARIÑA LUCENSE
A secretaria xeral para o Turismo, Carmen Pardo, e mais o presidente da Mancomunidade de Municipios da Mariña Lucense, Alfonso Fuente Parga, asinaron esta mañá en Barreiros un convenio para a promoción turística do xeodestino A Mariña Lucense. No acto estivo presente tamén a delegada da Xunta de Galicia en Lugo, Raquel Arias
A Xunta de Galicia aporta 90.000 euros a través dun convenio de colaboración para a promoción do xeodestino A Mariña Lucense que ten un importe global de 100.000 euros. Os 10.000 euros restantes apórtaos a Mancomunidade da Mariña Lucense
O convenio céntrase na maxia e na artesanía para potenciar os recursos turísticos do xeodestino
Barreiros, 24 de xullo de 2012.- A secretaria xeral para o Turismo, Carmen Pardo López; a delegada da Xunta de Galicia en Lugo, Raquel Arias, e mais o alcalde de Barreiros e presidente da Mancomunidade de Municipios da Mariña Lucense, Alfonso Fuente Parga asinaron esta mañá en Barreiros un convenio de colaboración para a realización de actividades de promoción do turismo na Mariña Lucense.
O convenio garante a continuidade do proxecto Rutas da Artesanía na Mariña que ten por obxectivo converter en atractivo turístico a actividade artesanal da comarca. Ademais, entre os proxectos que se inclúen no convenio está o deseño e implantación do Mes Máxico da Mariña, que levará espectáculos de maxia de preto aos restaurantes da zona.
Durante o acto, Carmen Pardo explicou que a Secretaría Xeral para o Turismo aporta para a promoción deste xeodestino 90.000 euros que se articulan a través dun convenio de colaboración coa Mancomunidade de Muncipios da Mariña Lucense para realizar xestións e actividades destinadas á potenciación do turismo neste xeodestino. O obxectivo destes acordos pasa por priorizar as accións de promoción, difusión e dinamización dos valores patrimoniais e naturais da zona, así como a utilización das novas tecnoloxías ao servizo do turismo e a formación dos actores turísticos na mellora continua da calidade do servizo que consolide a Mariña Lucense como xeodestino turístico.
O orzamento estimado para a execución das actuacións é de 100.00 euros. A Xunta de Galicia a través da Secretaría Xeral para o Turismo aportará 90.000 euros -80% deles procedentes de Fondos Feder e 20% de FCI- e os 10.000 euros restantes serán aportados polas Mancomundidade de Municipios da Mariña Lucense.
No convenio inclúense actuacións como a edición e impresión de mapas encartables das Rutas da Artesanía, un catálogo unificado do xeodestino e unha aplicación web para a comercialización de paquetes á carta. Ademais crearase unha novidosa ferramenta web con storytellings de artesáns que narran a súa vida e obra traducidos e subtitulados ao inglés. Así mesmo, inclúese a realización dun famtrip de promoción e comercialización de estancias e experiencias artesanas e máxicas en forma de paquetes turísticos.
Turismo na Mariña Lucense
Segundo explicou a secretaria xeral para o Turismo, o feito de vincular a zona coa maxia e a artesanía implica unha alternativa de lecer fronte ao turismo de sol e praia, unha alternativa de ocio experiencial dado que ten un engadido adicional que é “o feito de traballar a alma dos artesáns e a transmisión da súa experiencia non só de traballo senón tamén de vida e iso encaixa moi ben co novo perfil do turista que busca experiencias e vivencias”. Segundo recalcou Carmen Parado, ademais “as iniciativas relacionadas coa maxia e coa creación do Mes Máxico xerarán “dinamización económica directa no territorio no mes que se realicen as actividades porque é un produto moi atractivo e que se presta moito ás viaxes de fin de semana, sobre todo tendo en conta que combina coa magnífica gastronomía da Mariña Lucense”.
Durante o acto de sinatura que tivo lugar esta mañá en Barreiros, Carmen Pardo explicou que a través destes acordos de colaboración entre a Secretaría Xeral para o Turismo e a Mancomunidade mantense o Plan de Competitividade Turística da Mariña Lucense, o único plan de competitividade actualmente impulsado exclusivamente pola Administración Turística Galega.
A secretaria xeral tamén fixo un repaso polos produtos cabeceira da Marca Galicia que se poden disfrutar se se decide ser turista na Mariña Lucense. O produto Patrimonio Oculto inclúe tres recursos da Mariña: a Igrexa Parroquial de San Martiño de Mondoñedo; a Capela do Bispo Santo e o Barrio dos Muíños de Mondoñedo. Tamén no produto Faros e Praias Salvaxes inclúe recursos da Mariña como o faro de Illa Pancha, a praia das Catedrais, as praias dos Castros-Illas, Peizás e Esteiro, así como o faro de Punta Roncadoira. Do mesmo xeito, o Souto da Retorta inclúese no produto Bosques de Galicia.Todos eles son recursos que identifican e singularizan este xeodestino e que se poden combinar, segundo recalcou a secretaria xeral para o Turismo, con experiencias culinarias inigualables, co disfrute das innumerables festas gastronómicas de Interese Turístico da zona que exaltan os froitos do Mar Cantábrico.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
