ANTONIO VEIGA RECLAMA Á XUNTA O DESEÑO DUN MODELO TURÍSTICO CENTRADO NO PATRIMONIO HISTÓRICO, CULTURAL E NATURAL DA MARIÑA
O Vicepresidente da Deputación de Lugo e o alcalde de Mondoñedo asinaron un convenio de colaboración para a posta en valor das Covas do Rei Cintolo
O turismo de natureza e aventura debe ser un reto e unha oportunidade de futuro para a Comarca da Mariña
Mondoñedo, 6 de agosto de 2012. O vicepresidente da Deputación de Lugo e delegado das áreas de Benestar Social e Deporte, o nacionalista Antonio Veiga, presentou, esta mañá, o convenio de colaboración asinado co Concello de Mondoñedo para garantir a apertura ao público das Covas do Rei Cintolo e pór en valor este enclave, en canto se trata dunha das covas máis grandes Galiza con máis de 7.500 metros de lonxitude, varios andares de galería e diferentes masas de auga.
Dito convenio, non só permitirá garantir que a Cova do Rei Cintolo sega aberta, senón tamén evidenciar que é posible establecer un novo modelo turístico centrado na promoción da natureza e do patrimonio histórico, cultural e etnográfico. Para Antonio Veiga “o modelo turístico de sol e praia atópase en caída a consecuencia da crise económica actual, á que, en certa maneira, tamén contribuíu o fenómeno da segunda residencia, polo que se fai imprescindible buscar alternativas que, ademais, están as a ser demandadas polo propio sector turístico.”
Nos últimos catro anos os demandantes de turismo de natureza aumentaron sobre un 8 por cento a nivel mundial. Este modalidade move xa a un volume importante de visitantes especializados en turismo ecolóxico, paisaxístico, rural e agrario, así como a un bo número de afeccionados á natureza, ámbitos nos que a comarca da Mariña ten moito que ofrecer, e as Covas do Rei Cintolo son un bo exemplo xa que constitúen un paraxe no que se pode deseñar un amplo programa de actividades relacionadas co mundo da natureza pero, ademais, con outras como a práctica de deportes de aventura como o rafting.
O vicepresidente da Deputación provincial insistiu en que “na actual situación de emerxencia toda acción de goberno debe estar encamiñada a potenciar o emprego e nese senso, hai que ter en conta que o turismo é unha fonte de ingresos decisiva para moitos locais de hostalería e para moitas familias, xa que en torno ao 70% da poboación activa da provincia de Lugo traballa no sector servizos. Sen embargo, a diminución do número de visitantes á comarca da Mariña está a deixar en evidencia que a Xunta de Galiza non está a ver o turismo como un sector estratéxico, polo que dende a Vicepresidencia da Deputación de Lugo reclamámoslle o deseño e posta en marcha dun proxecto turístico diversificado para a Comarca da Mariña”.
Antonio Veiga conclíu que “a provincia de Lugo está chea de atractivos que hai que dar a coñecer, algo que, segundo parece, non lle interesa ao executivo galego que esquece a praia das Catedrais como monumento natural, a pesar de que é unha das praias máis emblemáticas do litoral galego”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
