Cervo despídese dos dous nenos saharauís que pasaron as súas “Vacacións en paz”
-Waara e Bachrir foron recibidos polo alcalde e a edil de Servizos Sociais, que lles desexaron unha boa viaxe e se interesaron pola súa estancia
Cervo, 1 setembro de 2012-O alcalde de Cervo, Alfonso Villares e a edil de Servizos Sociais, Pilar Armada, recibiron a visita de Waara e Bachrir, e as súas familias de acollida. Os dous nenos saharauis que pasaron os meses de xullo e agosto no municipio volven para os campamentos de refuxiados saharauis no Tinduf, de onde proceden, e antes de marchar, o goberno local quixo despedirse deles por este ano e desexarlles unha boa viaxe ata os seus respectivos fogares. Ademais, entregáronlles aos cativos sendas mochilas e camisetas para que levaran un bo recordo de Cervo.
O rexedor e a edil interesáronse pola estancia de Waara e Bachrir no municipio, preguntándolles aos nenos e ás familias de acollida sobre a experiencia vivida . “Todo eran palabras de alegría e de emoción, xa que durante estes meses se crea un vínculo moi forte entre os pequenos e os pais de acollida” explica Armada. “O momento da despedida é duro, pero sempre queda pensar en que o ano que vén volverán compartir bos momentos” engade a concelleira. A edil de Servizos Sociais quixo “agradecer ás familias que ofrecen o seu fogar, os seus recursos e o seu agarimo de forma desinteresada só por ver felices aos seus fillos de acollida”.
As dúas familias levan varios anos participando no programa “Vacacións en paz” que promove a asociación Solidariedade Galega co Pobo Saharaui e coa que por sétimo ano consecutivo colaborou o Concello. En canto aos nenos, Waara era o primeiro ano que pasaba o verán en Cervo mentres Bachrir visitaba aos seus pais de acollida por terceira vez.
“Vacacións en paz” é un programa de solidariedade e axuda desinteresada que consiste na acollida temporal de menores saharauis por parte de familias co obxectivo de proporcionarlles unha estancia agradable e lonxe dun ambiente bélico e de precariedade de recursos e, ao mesmo tempo, afastalos do deserto nos duros e calorosos meses do verán.
Na Mariña será en Viveiro, na Praza Maior.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
