A XUNTA IMPULSA A PROVINCIA DE LUGO DESTINANDO MÁIS DE 150.000 EUROS A 6 PROXECTOS DO GRUPO DE ACCIÓN COSTEIRA
Estas achegas, cofinanciadas polo Fondo Europeo de Pesca, pertencen á convocatoria de 2012 e concédense ao abeiro dos plans estratéxicos zonais co obxecto de impulsar a competitividade das zonas de pesca
Santiago, 11 de novembro de 2012.- A Consellería do Medio Rural e do Mar aprobou 6 proxectos do Grupo de Acción Costeira número 1 “A Mariña-Ortegal” –que abrangue o territorio litoral da provincia de Lugo–, por un importe total de 153.871 euros dentro da convocatoria de 2012. Estas axudas concédense ao abeiro dos plans estratéxicos zonais e están cofinanciadas polo Fondo Europeo de Pesca. A través delas, favorécese a competitividade das zonas de pesca, impúlsase o valor engadido dos produtos pesqueiros e axúdase a pequenas infraestruturas e servizos relacionados con este ámbito.
Un destes proxectos ten a condición de “produtivo”, é dicir, cunha orientación profesional ou empresarial, e correspóndelle unha cantidade de 31.874 euros. Trátase dunha iniciativa orientada cara o aumento do valor engadido dos produtos pesqueiros, a través das conservas artesáns “Curricán”. Os outros 5 proxectos aprobados en Lugo correspóndense con investimentos “non produtivos”, o que significa que teñen como elemento determinante a súa rendibilidade social.
Como novidade esta convocatoria inclúe por primeira vez a presentación dun proxecto de cooperación que se denomina Enredadas: cultura e oficio das redeiras, presentado polas asociacións de redeiras de Burela (xunto coas coruñesas de Corme e Malpica, e a colaboración da asociación Atalaia, da localidade pontevedresa da Guarda). O obxectivo desta iniciativa é amosar o traballo, tradición e oficio das redeiras iniciando ademais actividades de diversificación económica dirixidas a produtos de artesanía coa colaboración da Fundación Centro Galego da Artesanía e do Deseño.
Relación de proxectos aprobados
Solicitante
Proxecto
Conservas Artesanas Curricán, S.L.
Aumento do valor engadido dos produtos pesqueiros: conservas artesanas Curricán
Redeiras Cabo Burela
Enredadas: Cultura e oficio das redeiras
Confraría Celeiro
Mariñeiros por un día, achegando a escola ao mar
Confraría Ribadeo
Xornadas gastronómicas mar de Ribadeo
Confraría Burela
Do arquivo da confraría de pescadores de Burela ao centro de Documentación sobre Mar e a Pesca
Confraría Celeiro
XVII Xornadas Técnicas de Difusión do Sector Pesqueiro
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
