O BNG DA MARIÑA OCUPA UNHA OFICINA DE NGB PARA CHAMAR A ATENCIÓN SOBRE AS CAUSAS DA ACTUAL CRISE ECONÓMICA
Veiga anuncia que o BNG presentará na Deputación provincial unha iniciativa para deixar de traballar con aquelas entidades que apoien os desafiuzamentos
Os nacionalistas piden máximo apoio para a folga xeral do 14-N para evitar que continúe o desmantelamento da sanidade e a educación públicas
Ribadeo, 12 de novembro de 2012. Unha delegación de cargos institucionais e orgánicos do Bloque Nacionalista Galego (BNG) da Mariña encabezada polo responsábel comarcal da formación, Antonio Veiga, ocupou, esta mañá, a oficina de Novagalicia Banco(NGB) de Ribadeo, para chamar a atención sobre os motivos polos que se chegou a actual situación de crise económica e evidenciar que os bancos son os principias responsábeis da mesma.
Veiga denunciou que ‘tras a situación de recesión e depresión agóchase a mala praxe dos bancos e as súa irresponsábel política de concesión de créditos. Agora era o momento de que as entidades financeiras concederan créditos para dotar de liquidez ás empresas e familias e poder así saír do pozo no que nos sumiron banqueiros e políticos neoliberais, e sen embargo non o fan.’
Para os nacionalistas, ‘á falla dunha política coherente á hora de conceder créditos, hai que engadir estafas como a das participacións preferentes, que deixaron a máis de 90.000 galegos e galegas sen os seus aforros, e as indemnizacións millonarias dos exdirectivos das desaparecidas caixas galegas.’
Veiga subliñou que ‘estes son só tres exemplos elocuentes das graves deficiencias dun sistema financeiro altamente protexido polo Goberno popular de Mariano Rajoy que pide a Europa o rescate bancario pero permite que continúe aumentando o desemprego, que as PEMES segan fechando, que máis dun 22 por cento de familias galegas estean en risco de pobreza ou exclusión e que milleiros de persoas segan a vivir o drama dos desafiuzamentos.’
Neste senso, o responsábel da formación na Mariña anunciou que o BNG presentará, na Deputación e en todos os concellos da provincia nos que ten representación, unha iniciativa para deixar de traballar con aquelas entidades bancarias que apoien e executen novos desafiuzamentos. ‘Para os nacionalistas as prioridades están claras, por riba dos bancos están as persoas e o seu benestar.’
Apoio á folga xeral do 14-N
Dende o Bloque Nacionalista Galego piden o máximo respaldo á folga xeral do vindeiro mércores. ‘Sobran os motivos para saír á rúa. Os mariñáns temos que evidenciar o noso descontento coas políticas dos gobernos central e autonómico. Non estamos dispostos a seguir pagando as consecuencias dunha crise provocada polos bancos e a que, ao tempo que estes son rescatados, se desmantelen servizos públicos básicos como a sanidade e a educación’ – concluíu Antonio Veiga.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
