LIDIA RECIBIU A OVACIÓN DA SÚA TERRA NA XXIV GALA DO DEPORTE DE NARÓN
A laranxa Lidia Mesías gozou da ovación da súa terra o venres pasado na XXIV Gala do Deporte de Narón. A xogadora do Burela FS Pescados Rubén recibiu o galardón como Mención Especial pola súa internacionalidade das mans da edil de deportes, Natalia Hermida.
O Pazo da Cultura da localidade coruñesa acolleu un certame con 11 premios principais, por méritos, dedicación, traxectoria, mencións especiais…, e máis de 70 por especialidades. Entre todos eles tamén destacaron, ademais de Lidia, a arqueira olímpica Iria Grandal como Mellor Deportista 2012 e a Mención Especial ao xogador de baloncesto David Mouriz, pola súa participación nas Paralimpíadas de Londres.
Novo periplo con Galicia
A ala burelista xa está inmersa na preparación do Campionato de Seleccións Territoriais Sub-23, previsto para xaneiro, coa compañía doutra representante laranxa, Lara Balseiro. Tras o primeiro chamamento da semana pasada, Lidia e Lara volverán adestrar hoxe con Galicia; o pavillón compostelán Quiroga Palacios acollerá a sesión, ás 19.45 horas.
Completan a convocatoria de Manuel Castillo: Ana López, Lucía Álvarez e Iria Saeta, do Cidade das Burgas; Dolores Conde, Vanesa Sotelo e Ana Rivera, do Ponte Ourense; Claudia Martínez e Lucía Souto, do Poio; Erika González, Iria Vieiro e Sheila González, do Valdetires; Patricia Román, do Fisober; e Lucía Gómez, do Viaxes Amarelle.
O combinado irmandiño disputará a fase previa entre o 11 e o 13 de xaneiro en Murcia, integrado no Grupo D, co anfitirón e Castela e León como rivais. O resto dos grupos estarán compostos por: Estremadura, Castela A Mancha e Aragón, no A; Cataluña, Comunidade Valencia e A Rioxa, no B; e Madrid, Cantabria e País Vasco, no C. Accederán ás semifinais os campións.
O traballo do Burela FS Pescados Rubén tampouco está pasando desapercibido para a selección galega noutras categorías: Carlos Valle, Carlitos, xa tivo a oportunidade de realizar varios adestramentos co combinado sub-19; os cadetes Renato Lopes e Jorge Pernas foron convocados para o domingo, ás 17.00 horas, no pavillón de Guitiriz.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
