O Concello de Cervo destinará un 81% máis ao fomento do emprego e un 20% máis a servizos sociais
-O gasto corrente en servizos sociais e educación, e o investimento en emprego representan o 15% do orzamento
-As arcas públicas gozan de boa saúde tal e como indican o equilibrio e a estabilidade orzamentaria e o déficit cero acadados
-O orzamento do ano que vén non contempla a subida dos impostos
Cervo, 28 de novembro de 2012-O Concello de Cervo vén de presentar os orzamentos do ano 2013 ante a comisión especial de contas. Uns presupostos que ascenden a 4,9 millóns de euros e que o goberno local definiu como “prudentes, realistas e que dan continuidade a un proxecto para garantir a prestación dos servizos coa mesma calidade”. O grupo de goberno engadiu que “a estabilidade orzamentaria e a capacidade de autofinanciamento” tamén caracterizan este documento, que será debatido en pleno a semana que vén. Deste xeito, cumprirase o obxectivo de ter aprobado inicialmente o texto antes do 1 de xaneiro.
Os orzamentos de 2013 son unha clara aposta polas áreas estratéxicas e directamente relacionadas co benestar da cidadanía, como son o emprego, os servizos sociais ou a educación. Unhas partidas que en conxunto representan o 15% do total do orzamento. Nos tres casos, os importes destinados aumentan con respecto ao 2012.
No tocante á prestación dos servizos sociais, o gasto corrente chegará aos 378.000 euros, o que representa unha subida do 20% en comparación co 2012. No caso da educación, a contía ascenderá aos 252.000 euros. En ambos casos hai que especificar que se trata exclusivamente do gasto corrente destinado a ambas áreas, restando os importes previstos para investimentos en infraestruturas.
O fomento do emprego é outra das áreas básicas, que neste exercicio ve incrementado o seu investimento nun 81%, chegando aos 65.000 euros. Cabe destacar que nesta partida non se inclúen os ingresos que percibirá o Concello para o Obradoiro de Emprego, a pesar de que o obradoiro está aprobado e se levará a cabo con total seguridade. Aínda así, este xesto responde ao principio de prudencia e realismo que o Concello aplica a todo o orzamento. Isto significa que todas as estimacións de ingresos contempladas nas contas baséanse en cifras de mínimos. Deste xeito garántese que os ingresos previstos se adecúan á realidade, podendo ser en todo caso máis elevados e pero nunca máis reducidos do previsto.
Na elaboración dos orzamentos tamén se fixou unha liña de continuidade que permita seguir prestando os mesmos servizos e co mesmo nivel de calidade, así como acometer actuacións e investimentos que o grupo de goberno considera que deben manterse. Así, as partidas destinadas a promoción cultural (121.300 euros) ou deportes (327.100 euros) sitúanse nuns niveis semellantes aos do exercicio de 2012.
Outro dos datos máis destacables e que máis repercuten na cidadanía é a política impositiva que porá en marcha o Concello. Neste caso, o executivo local manifestou o seu compromiso de non subir os impostos durante o ano que vén. Pero o grupo de goberno vai máis alá destes orzamentos avanzando a súa intención de non subir impostos durante os tres vindeiros anos, é dicir, dende o 2013 ata o 2015 incluído. Ao mesmo tempo, o goberno municipal poderá plantexarse a posibilidade de non efectuar a actualización de taxas e ordenanzas en base ao IPC, aínda que esta decisión será valorada no seu momento, sendo necesario deixar claro que o axuste ao IPC non é unha subida de impostos, senón unha adaptación ao índice que marca os prezos en España.
Estabilidade orzamentaria
O cumprimento coas esixencias económico-financeiras que establece a lexislación para sanear as contas públicas tamén estivo moi presente nas previsións de gasto. Segundo informou o goberno municipal, estas contas cumpren co establecido na Lei de Estabilidade Orzamentaria e Sustentabilidade Financeira na que se deben basear todas as administracións. Isto significa que o Concello goza da estabilidade e o equilibrio orzamentario que se lles esixe ás entidades locais.
Outro dos datos que falan da boa saúde das arcas públicas é a capacidade de financiamento. Isto significa que o Concello dispón de recursos propios para facer fronte ás súas obrigas e afrontar os custos dos servizos sen necesidade de financiamento externo.
“Estamos satisfeitos cos orzamentos previstos para o ano 2013, especialmente tendo en conta as dificultades que atravesa o Estado. O noso principal obxectivo era seguir prestando servizos públicos de calidade e evitar que sexa a cidadanía a que pague as consecuencias” explica o goberno local, “e ao mesmo tempo garantir a estabilidade como mellor forma de seguir gozando de recursos públicos para investir en beneficio dos cervenses” remata o grupo de goberno.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
