Guntín.: Carolyn, Andrea, Elena, Nerea y María. Tamén Xogaron.: Cristina, Carmen, Denise, Laura e Lucia.
Viveiro.: Diandra, Xiana, Nerea, María Balsa, Rocio. Tamén Xogaron.: Conchi, Raquel, Andrea e Goretti.
Goles.: 0-1 Xiana; 0-2 Xiana; 1-2 Carmen; 1-3 Xiana; 2-3 Cristina; 2-4 Andrea.
Terceira Victoria consecutiva do Viveiro FSF, esta vez a domicilio e diante dun Guntín que aproveitou a xornada de descanso da liga autonómica para que algunha das xogadoras do seu primeiro equipo disputasen o encontro de provincial diante das viveirenses.
As xogadoras do Viveiro FSF, como ven sendo habitual nos últimos encontros, comenzaron cunha forte presión a toda pista que dificultaba a saída do balón do equipo local e propiciaba o dominio visitante, froito do cal chegaron os dous primeiros goles obra de Xiana, dentro dos primeiros dez minutos de partido.
A partir deste intre o partido entrou nunha serie de imprecisións, tanto polo bando local como polo visitante, sen ocasións claras de gol, o que propiciou que nun erro defensivo, preto do final da primeira parte, o Guntín reducise distancias e colocase o 1-2 no marcador.
A Segunda parte comenzou de forma similar aos minutos finais da primeira, con constantes imprecisións no pase e na finalización por parte do Viveiro, diante dun Guntín que adiantou liñas e complicaba a saída do balón do Viveiro, que en non encontraba o xogo combinativo dos últimos partidos e que sufría moito para manter o balón e chegar a portería rival.
Nunha xogada aislada Xiana subiu o 1-3 ao marcador mediada a segunda metade, pero o Guntín recortou diferencias rapidamente e voltou a por en apuros a portería defendida por Diandra.
A tranquilidade chegou a cinco minutos do final, cando o Viveiro acadou o definitivo 2-4.
En resumen o Viveiro sacou adiante un encontro complicado, no que fixo, sen lugar a dúbidas, o peor xogo no que vai de tempada, e que gañou mais por inercia, e pola confianza adquirida nos últimos encontros, que polo xogo despregado, pero que lle permite sumar tres novos puntos e seguir escalando postos na clasificación a espera de enfrontarse cos equipos da parte alta da táboa clasificadora.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
