BURELA .- O PP de Burela asegurou “que o hospital está consultando en barracóns, xa que o servizo de prevención de riscos laborais está funcionando en instalacións prefabricadas. Nesas instalacións traballan tres persoas e nas mesmas van os traballadores do hospital que o precisan”. Consideran que “esta situación é degradante para os propios traballadores; alguns xa falan de hospital de campaña, dadas as condicións nas que se está a traballar”.
NOTAS DE PRENSA DO GRUPO MUNICIPAL DO PARTIDO POPULAR
O PP afirma que o Hospital usa barracóns para consultas.
Os populares pregúntanse se esa é unha ampliación.
Consideran que os traballadores do centro non se merecen semellante trato.
O Grupo Municipal do PP de Burela asegurou hoxe mediante unha nota de prensa que o hospital está consultando en barracóns, xa que o servicio de prevención de riscos laborais está funcionando en instalacións prefabricadas. Nesas instalacións traballan tres persoas e nas mesmas van os traballadores do hospital que o precisan.
Para os populares de Burela esta situación é degradante para os propios traballadores; alguns xa falan de hospital de campaña, dadas as condicións nas que se está a traballar.
Os populares culpan da situación á Xunta do PSOE e o BNG, que en vez de traballar para levar a cabo a reducción das listas de espera incorporan “ampliacións” prefabricadas, impropias para un centro hospitalario, que debe ter como obxectivo que a calidade prime en todos os servicios que presta.
A Xunta, con estas medidas, estase a rir dos cidadáns da Mariña, que pagan impostos, e que queren unha sanidade de calidade. Compre lembrar que o Hospital tiña acadado un recoñecemento de calidade innegable, que está a perder a pasos axigantados.
Ademais, é sorprendente que o BNG cale a boca ante esta situación, que de terse producido na Xunta do PP xa tería posto en pé de guerra ós nacionalistas.
Os populares de Burela esixen da Consellería de Sanidade rigor e seriedade no traballo; reducción das listas de espera, e compromisos rigurosos para levar a cabo a ampliación do Hospital, lembrando que a única que se fixo hasta agora fíxoa o PP en 2001.
En Burela, a vnteún de Agosto de dous mil oito.
O Grupo Municipal de Burela.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
