Ana Ermida.- O PP do B certifica tramas. Ninguén mellor, por credibilidade e por experiencia, para dar certificados de prácticas éticas que quen, en diferido ou en man, en “sobre soldo” ou sen “sobre soldo”, remuneran en B a militantes cualificados; mentres decretan recortes para a maioría da poboación do Estado.
O PP do B denuncia tramas. O partido do diñeiro B. O que non explica as contas en B que acredita o xuíz Ruz nin di de onde sae ese diñeiro B ao que se refire tal xuíz. En fin, o PP do B. Que é o PP de Balseiro, que é o mesmo que o PP de Barreiro, igualiño que o PP de Barcenas. Claro e transparente, como a contabilidade B, si a que investiga Ruz na Audiencia Nacional.
O PP do B. O PP de Balseiro. O que converteu os Hospitais de Monforte e Burela en sucursais do Hospital de Lugo. O que deixou sen funcións as Delegacións de Facenda de Foz e Monforte. O que prepara o feche dos xulgados de Monforte, Chantada, Vilalba, Becerreá, Fonsagrada, Mondoñedo e Viveiro. Non vos perdades que este PP do B, o Partido Popular de Balseiro, é o da trama urbanística de Barreiros; con máis de 3000 licencias urbanísticas que presuntamente non se axustan a dereito. É o dos pelotazos dos “Pasillos Verdes” que remataron, como reclamaban, en converter A Mariña na Marbella do norte.
O PP do B. O PP de Barreiro. O que co seu silencio apoia a un Alcalde de Baralla que xustifica e defende os asasinatos do franquismo. O que sae escoltando polo garaxe do Senado a Rajoy para que non teña que explicar a B de Barcenas. O que se agocha para non ter que dar contas da contabilidade do PP en B de Lugo. O que cala para non falar das concesións de obras que o goberno da Xunta do que foi membro lle deu á Gurtel por exemplo en Ribadeo.
Atentos! Que é PP do B. O Partido Popular de Barreiro. O do Conselleiro de Medio Ambiente que é mudo cando toca dar conta das concesións hidroeléctricas, ou dos negocietes na rede Natura. E así seguimos, porque é o PP en B.
O PP do B mete medo. Non falamos dunha forza política, aínda menos dun instrumento ao servizo dos cidadáns. Isto, ás veces, semella unha falanxe cando saen de caza polos Ancares coa súa boneca vestida de azul.
Outras, unha empresa do sector cárnico especializado na produción de embutidos.
E xa estamos na trama até o fondo. Co nepotismo que é o goberno dos parentes, co B de Barcenas (e o doutro e máis o do outro), co dos imputados de norte a sur e de leste ao oeste, co roubo aos preferentistas e agora aos emigrados. E co pobo no paredón “Cara al sol” porque se os asasinaron é porque algo fixeron.
Ana Ermida Igrexas
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).