RIBADEO (FNC) .- O Tribunal Superior de Xustiza de Galicia denegou a petición de Telefónica Móviles España de suspender cautelarmente a ordenanza reguladora da taxa para o aproveitamento especial do dominio público local a favor de empresas explotadoras de servizos de subministros de interés xeral. Unha norma aprobada en pleno o 27 de xaneiro do ano pasado.
O alcalde, Fernando Suárez, asegura que “recibimos hai moi poucos días unha comunicación do Tribunal Superior de Xustiza de Galicia na que denegan a petición de Telefónica de suspensión cautelar da ordenanza municipal que regula o aproveitamento do dominio público local e que as operadoras de telefonía móbil teñen que tributar igual que fan desde hai anos as de telefonía fixa. Toda a filosofía desta ordenanza que nós aprobamos, cun amplo grao de consenso hai un ano aproximadamente, indica que as operadoras de telefonía móbil non soamente utilizan o espacio radioeléctrico senón que tamén empregan o subsolo para facer as chamadas de móbil a fixo, polo tanto era xusto que o Concello lles puidese implantar unha taxa por este concepto”.
Suárez Barcia lembra que “esto partiu da idea de que en Cataluña había varios concellos que xa o aplicaban, quixemos importala e creo que debemos ser o único concello galego en ter implantada esta ordenanza. Desde logo non está gañada a guerra, pero sí é moi importante que teña unha aparencia de bó dereito que o TSXG non vexa motivos cautelares para paralizar esta ordenanza ata que se resolva o contencioso, que cremos que acabaremos ganando porque estamos na posesión total do dereito para poder aplicarlles esta ordenanza”.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
