Lugo, 18 de outubro de 2013. O vicepresidente da Deputación lucense, o nacionalista Antonio Veiga, aproveitou a rolda de prensa posterior á Xunta de Goberno da institución provincial para acusar ao Partido Popular de ser o culpábel da “tráxica” situación que está a vivir o sector pesqueiro da comarca da Mariña e que empeorará tras o sistema de cotas imposto pola Unión Europea, que constitúe “unha esmola” para a flota galega e que discrimina ao sector pesqueiro en beneficio do Reino Unido, Francia ou Italia, e o “nefasto” acordo con Mauritania sobre a flota cefalopodeira.
Veiga afirmou que “o problema do recorte na cota de pescada non afecta só á Mariña senón ao conxunto da provincia, posto que o volume de negocio da pesca entre os portos de Celeiro e Burela pode chegar a superar os 160 millóns de euros. Se hai uns anos A Mariña representaba o 35% do PIB da provincia de Lugo e unha porcentaxe semellante de traballadores activos, hoxe esta cifra pode andar arredor do 50%, co que a diminución de emprego nesta comarca repercute en todo o territorio lucense.”
Neste senso, o vicepresidente remarcou que “están en xogo centos de postos de traballo que dependen directa e indirectamente do sector pesqueiro, xa que estas medidas acordadas por Europa non afectan só aos mariñeiros, senón a todo o sector de transformación e comercialización que afortunadamente aínda está radicado en Burela e en Celeiro; son os mariñáns os que colocan todo ese peixe nos mercados nacionais, estatais e internacionais e por iso, mentres os barcos da pescada permanecen amarrados, tamén moitas empresas de transformación, conxelación e distribución teñen que pechar as súas portas e despedir traballadores.”
“Fronte a esta preocupante situación, -continuou- tanto o Goberno do Estado como a Xunta de Galiza permanecen impasíbeis. Só a falla de preocupación por este sector e polas familias que seguen dependendo do mar explica que os portos de Burela e Celeiro teñan prohibida a pesca de pescada no Gran Sol cando os últimos anos foron os de maiores capturas. Ademais, existen informes, por exemplo, do Consello Internacional para a Exploración do Mar (CIEM) que recomendan un incremento dos Totais Admisíbeis de Capturas (TAC’s) nun 49 por cento para o vindeiro ano e indican que as previsión para 2013 están moi por riba das acordadas inicialmente.”
Para Veiga “a folla de ruta dos populares para o sector pesqueiro e os sectores que dependen deste é a mesma que a dos servizos públicos e que se caracteriza polo seu desmantelamento progresivo a través da perda de postos de traballo e a indefensión dos afectados e afectadas para rematar na súa morte. Os acordos europeos avalados polos executivos estatal e galego son incompatíbeis coa construción dun futuro viábel para o sector pesqueiro.Vista a situación económica que atravesa a provincia estamos ante un problema grave; o sector non pode aguantar recorte tras recorte. Trátase dun problema político que require dunha solución política que debe vir da man do Partido Popular, que lembremos tem maioría absoluta en Madrid e Galiza. Non imos permitir aos populares que se volvan rir dos mariñeiros nin dos mariñáns.”
Desde a Vicepresidencia da Deputación de Lugo fan un chamamento a todas as administracións públicas para apostar polos sectores pesqueiro, de transformación e conserveiro e impulsalos como motores de estímulo económico. “A pesca galega ten potencial suficiente para continuar crecendo, abrir novas vías de negocio e crear postos de traballo; todo o contrario ao que nos están obrigando desde Europa e desde o Partido Popular. Só na comarca da Mariña o 8 por cento da poboación ocupada pertence a estes sectores e cada emprego que se crea no mar, crea outros tres na industria de transformación en terra. Os poderes públicos temos que colaborar na elaboración dun plan de impulso económico que respecte o desenvolvemento sostíbel dos recursos do mar e teña, entre outros obxectivos, a busca de valor engadido.”
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
