Barreiros, 22 de outubro de 2013. Desde o BNG de Barreiros califican de “absolutamente escandaloso” que o Partido Popular destine máis de 6 millóns de euros de cartos de todas as galegas e galegos ás obras do plan sectorial; mentras retira as axudas aos concellos de menos de 20.000 habitantes, coma Barreiros, para o mantemento do Servizo de Axuda no Fogar.
Para o BNG esta cantidade “non demostra, para nada, o compromiso do goberno da Xunta con Barreiros como pretenden facernos crer. Pola contra, a única razón para destinar unha cuantía tan elevada a Barreiros é, exclusivamente, tapar as ilegalidades cometidas neste concello e permitidas polo alcalde popular, Alfonso Fuente e o seu equipo e as da propia Xunta de Galiza cando, nun acordo do Consello da Xunta, se aproba un Plan Sectorial que é declarado contrario a dereito polo Tribunal Superior de Xustiza de Galiza.”
Desde o BNG piden que “se realmente a Xunta de Galiza ten tanto interese en desenvolver e dinamizar Barreiros, que destinen esa cantidade de diñeiro para o conxunto das e dos barreirenses. Porque con 6 millóns de euros nun concello coma Barreiros poden facerse moitas cousas e non só dotar de servizos ás urbanizacións construídas sen eles”, aseguran os nacionalistas.
Para o BNG de Barreiros non deixa de ser curioso, cando menos, que os populares defendan estes orzamentos facendo un cálculo do que lle toca a cada persoa da provincia. “O que non explica o señor Balseiro é que neses 728€ que, en teoría, nos tocan a cada lugués, tamén van repartidos os máis de 6 millóns de euros que o PP destina para dotar de servizos ás grandes promocións inmobiliarias de Barreiros e, polo tanto, ese diñeiro non se reparte entre todas e todos, senón que é diñeiro que si sae de todas e todos, pero vai parar a uns poucos.” Os nacionalistas barreirenses pídenlle “ao Partido Popular e ao seu portavoz na Mariña, o señor Balseiro, que deixe de mentir e de utilizar demagoxicamente os datos. Se quere que explique, de verdade, se pode explicalo, porque a Xunta destina ese diñeiro a Barreiros.”
En relación con isto, a formación frontista anuncia que presentará alegacións aos orzamentos da Xunta para recolocar ese diñeiro en outras obras, inversións e servizos (como o SAF) que beneficiarán a todo o concello e a todas as veciñas e veciños de Barreiros.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
