Lourenzá, 8 de xaneiro de 2014. Un veciño denunciou este mércores no Concello de Lourenzá a aparición de tres cabalos sen identificación mortos, presuntamente por disparos de rifle, na parroquia de San Adriano, concretamente no lugar de Real. Dende o Concello comunicaron o ocorrido aos servizos veterinarios da Xunta de Galicia, que avisaron ao Seprona para que investigue o suceso. Xunto ás reses mortas había un poldro vivo, que será capturado e levado a unha explotación equina.
A alcaldesa de Lourenzá, Emma Álvarez Chao, explicou que “hoxe rexistrouse unha denuncia no Concello por parte dun veciño de Redondelo (San Adriano) que atopou dous cabalos mortos na súa finca, onde había tamén un poldro vivo. Dende o Concello chamouse aos servizos veterinarios da oficina comarcal de Mondoñedo que se desprazaron ata o lugar, denominado Real, na parroquia de San Adriano, e atoparon as dúas reses equinas mortas, un macho e unha femia, e outra viva, de aproximadamente tres meses de idade. Non teñen marcas auriculares nin tampouco chip identificativo. A maiores, a uns 200 metros, nunha pista forestal de concentración apareceu outra res equina femia morta, tamén sen identificación. O veterinario da Xunta de Galicia comunicou ao Seprona que o motivo da morte dos cabalos é presuntamente por disparos de rifle”.
A rexedora engadiu que “dende o Concello hoxe mesmo sacamos un bando e, tendo en conta o que dispón o decreto 142/2012 de 14 de xuño no artigo 26 sobre a detención e captura dos équidos en liberdade, vamos proceder a capturar o poldro na tarde de hoxe. Se ben é certo que o artigo 27 di que temos que anunciar a captura durante un prazo máximo de seis días e un mínimo dun decidimos facelo de inmediato posto que ao ser un animal tan novo corre risco de morrer se non é atendido. O decreto di que pode ser trasladado a dependencias municipais ou a unha explotación equina e optamos pola segunda opción. O obxectivo do bando é para comunicar a captura e para intentar que apareza o dono. Se non é así levarase a cabo o destino que marca o artigo 28 do mesmo decreto, que pode ser venda en poxa pública, entrega gratuíta a espazos de acollida ou ben sacrificio en matadoiro autorizado cun destino que non sexa o consumo humano”.
Emma Álvarez rematou comentando que “en canto ás reses mortas o Concello xa avisou á empresa Tragsa para que as recollan despois de que o Seprona faga a investigación para tratar de descubrir quen as matou”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
