Santiago de Compostela, 08 de xaneiro de 14. O portavoz de Portos do Grupo Socialista, Manel Gallego, vén de presentar unha batería de iniciativas parlamentarias para reclamarlle ao goberno galego un plan de recuperación, reparación e consolidación das infraestruturas costeiras e portuarias danadas ou destruídas polo temporal do pasado Nadal.
O responsable socialista insta ao goberno galego a realizar unha avaliación dos danos ocasionados pola maruxía do día de Reis, así como dos temporais rexistrados nas datas anteriores. Reclámalle á Xunta que “habilite os créditos orzamentarios que fagan falta para acometer as obras de restauración, reparación ou reconstrución das infraestruturas danadas ou destruídas”.
Ademais, reclámalle ao goberno galego que “acometa as obras en prazos que permitan a plena operatividade das infraestruturas e servizos costeiros e portuarios no menor tempo posible”. O obxectivo, explica, é que os danos estean reparados “antes da campaña turística do próximo verán e fagan menos difícil a actividade pesqueira e portuaria habituais”.
Gallego sinala que os efectos do temporal, con ondas “de dimensións descoñecidas e tombos de mais de 10 metros de altura nalgúns casos”, ocasionaron “efectos devastadores” que afectaron á infraestrutura portuaria, sendas peonís e acceso a praias, paseos marítimos, vías de comunicación, sinalización marítima, embarcacións, e patrimonio cultural, relixioso ou etnográfico”.
Advirte que algunhas das infraestruturas afectadas están en situación de ser salvadas “si se actúa coa dilixencia e a premura que a situación require”. Advírtelle así ao goberno galego da urxencia para encetar a consolidación de escolleiras e peiraos, reposición de instalacións eléctricas, ou a consolidación e limpeza de paseos marítimos e sendas peonís de acceso ás praias.
Pesca
O parlamentario socialista lembra a especial incidencia dos temporais na actividade pesqueira, que non puido faenar durante o mes de maiores ingresos. Reclámalle así á Xunta que recupere o seguro de mal tempo “que garanta uns ingresos mínimos” a pescadores e mariscadores, que se viron “imposibilitados a exercer a súa actividade por causas alleas imprevisibles”.
Ademais, propón o “adiamento, suspensión ou supresión temporal” das cargas sociais, tributos e impostos da actividade pesqueira “ate a recuperación do ritmo normal de actividade”. Advirte que a situación “vólvese dramática” cando a falla de ingresos “non exime ao mariñeiro ou ao mariscador de abonar relixiosamente as cotas sociais e tributos da súa actividade”.
Sinala que estes traballadores están pasando “por un dos momentos mais difíciles dos últimos anos, xa que nin tan sequera teñen a opción de recorrer a un seguro de mal tempo que lles garanta uns ingresos mínimos vitais para as súa familias e a supervivencia da empresa familiar”, logo de que esta figura fora eliminada dos orzamentos do goberno galego.
Gallego presentou unha interpelación na que lle reclama ao goberno galego que explique qué accións ten levado a cabo para facer fronte ás consecuencias dos temporais e para paliar os efectos da inactividade sobre os mariñeiros e mariscadores.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
